Прэс-рэліз
29 жніўня тэлеканал "Беларусь 5" пакажа ў прамым эфіры вырашальныя паядынкі чэмпіянатаў свету па дзюдо і боксе ў Будапешце і Гамбургу адпаведна.
У 10:55 у эфіры спартыўнага тэлеканала стартуе прамая трансляцыя спаборніцтваў наймацнейшых дзюдаістаў планеты з Будапешта. У вагавой катэгорыі да 66 кілаграмаў пачнуць высвятленне адносін і беларускія спартсмены.
Крыху пазней у бой уступяць баксёры. Чвэрцьфінальныя паядынкі на галоўным рынгу "Спартхола" ў Гамбургу не пакінуць абыякавымі сапраўдных аматараў і знаўцаў баявых мастацтваў. У гэтую стадыю турніру паспрабуе прабіцца і беларускі прадстаўнік - Міхаіл Далгалявец.
За паядынкамі лепшых баксёраў свету можна сачыць у 16:00 і 20:00 у прамым эфіры спартыўнага тэлеканала.
"Беларусь 5" запрашае балельшчыкаў падтрымаць нашых спартсменаў на гэтых спаборніцтвах.













