"Беларусь 5" пакажа стартавы матч на турніры ВТА з удзелам Арыны Сабаленкі

20.08.2018

Інфармацыйнае паведамленне

20 жніўня "Беларусь 5" у прамым эфіры пакажа стартавы матч на турніры ВТА з удзелам Арыны Сабаленкі.

У панядзелак вечарам спартыўны канал медыяхолдынга прапануе ўвазе гледачоў паядынак паміж беларускай Арынай Сабаленкай і аўстралійкай Самантай Стосур. Трансляцыя гульні запланаваная на 21:00.

Нагадаем, мінулы старт у Цынцынаці стаў адным з самых паспяховых для Сабаленкі. Упершыню ў кар'еры яна выйшла ў паўфінал турніру катэгорыі "Прэм'ер" і забяспечыла сабе месца ў топ-25 найлепшых тэнісістак планеты ў абноўленым рэйтынгу ВТА.

Таксама сёння ў Нью-Хэйвене Аляксандра Сасновіч сустрэнецца з прадстаўніцай Францыі Крысцінай Младзенавіч.