Пра кампанiю

Інфармацыйнае паведамленне Арганізатары і рэжысёры дзіцячага конкурсу песні "Еўрабачанне-2018" вызначылі чарговасць выступленняў краін-удзельніц на галоўным шоу 25 лістапада на "Мінск-Арэне". Падчас урачыстай цырымоніі адкрыцця дзіцячага "Еўрабачання-2018" у Нацыянальным выставачным цэнтры "БелЭкспа" адбылася жараб'ёўка конкурсу.

Прэс-рэліз Сёння ў Мінску ўрачыстая цырымонія адкрыцця дзіцячага конкурсу песні "Еўрабачанне-2018" дасць старт вялікаму еўратыдню. Тэлеканалы "Беларусь 1" і "Беларусь 24", а таксама Першы канал Беларускага радыё прапануюць аўдыторыі медыяхолдынга штодзённыя дзённікі "Еўрабачання", насычаныя навінавыя сюжэты і прамыя ўключэнні, а таксама жывую трансляцыю галоўнай падзеі форуму - фінальнага канцэрта дзіцячага "Еўрабачання-2018" на "Мінск-Арэне".

Прэс-рэліз 19 лістапада ў Нацыянальным выставачным цэнтры "БелЭкспа" адбудзецца ўрачыстая цырымонія адкрыцця дзіцячага конкурсу песні "Еўрабачанне-2018", якая стане пачаткам вялікага еўратыдня. Усе 20 дэлегацый краін-удзельніц пройдуць па чырвонай дарожцы, падзеляцца ўражаннямі з журналістамі, пачуюць сказанае на дарогу слова арганізатараў і прадзюсараў конкурсу.

Прэс-рэліз Сёння вечарам Агенцтва тэленавін Белтэлерадыёкампаніі прапануе ў эфіры "Беларусь 1" публіцыстычны кінанарыс "Ігару Лучанку. "Я ў песню сыду…" памяці народнага артыста Беларусі, кампазітара Ігара Лучанка.

Інфармацыйнае паведамленне Сёння тэхнічная каманда Белтэлерадыёкампаніі завяршае на "Мінск-Арэне" мантаж сцэны дзіцячага конкурсу песні "Еўрабачанне-2018", і ўжо заўтра, 14 лістапада, там пачнуцца рэпетыцыі са статыстамі.

Прэс-рэліз 10 лістапада праект Агенцтва тэленавін "Макаёнка, 9" падзеліцца эксклюзівам з гледачамі канала "Беларусь 1". Гасцямі суботняга шоу гэтым разам стануць вядомая тэнісістка Арына Сабаленка і папулярны рэп-выканавец Feduk.

Інфармацыйнае паведамленне Зусім хутка спартыўнае ядро "Мінск-Арэны" ператворыцца ў рэпетыцыйную базу дзіцячага конкурсу песні "Еўрабачанне-2018". 5 лістапада там пачалося абуладкаванне асноўных пляцовак форуму, бо ўжо за тыдзень да галоўнага шоу ў Беларусь прыляцяць дэлегацыі краін-удзельніц.

Прэс-рэліз 10 і 17 лістапада гледачоў сацыякультурнага канала чакаюць спецвыпускі праекта “Навукаманія” да 90-годдзя з дня заснавання Нацыянальнай акадэміі навук Беларусі. Калі тэлегледачы яшчэ ўпэўненыя, што ўсе таямніцы гісторыі беларускай навукі ўжо адкрыты, то творчая група праекта “Навукаманія” паспрабуе іх пераканаць.

Прэс-рэліз Міжнароднае радыё "Беларусь" Белтэлерадыёкампаніі сумесна з фондам "Дырэкцыя II Еўрапейскіх гульняў 2019 года" прадоўжылі тэрміны прыёму творчых фотаработ (сэлфі) на конкурс "Маё прывітанне II Еўрапейскім гульням" да 31 снежня 2018 года.

Прэс-рэліз 7 лістапада эфір "Беларусь 3" будзе прысвечаны савецкаму кінематографу розных гадоў - гледачоў чакае падборка з пяці поўнаметражных ігравых стужак. Акрамя кіно, тэлеканал пакажа канцэрт ВІА "Сіняя птушка" і музычную праграму "Залаты хіт" са "Славянскага базару ў Віцебску - 2018".

Прэс-рэліз Напярэдадні маштабнага дзіцячага конкурсу песні "Еўрабачанне-2018", які пройдзе ў сталіцы 25 лістапада, сацыякультурны тэлеканал запускае тэматычную эфірную акцыю "Песня для "Еўрабачання". Пятнаццаць год гісторыі" і пакажа ўсе 15 фінальных канцэртаў дзіцячых нацыянальных адбораў 2004-2018 гг.

Прэс-рэліз 1 лістапада ў эфіры тэлеканала "Беларусь 1" стартуе другі сезон аўтарскай праграмы Ганны Эйсмант "Жанчыны і спорт". У новых выпусках здымачная група Белтэлерадыёкампаніі пабывае на зборах жаночай нацыянальнай каманды па біятлоне ў гарах Італіі, а таксама падрыхтуе эксклюзіўныя кадры са Стамбула, дзе ўжо 6 гадоў выступае баскетбалістка Анастасія Верамеенка, але ў яе ў гасцях яшчэ не бывалі беларускія тэлежурналісты.

Прэс-рэліз 30 кастрычніка ў прамым эфіры "Беларусь 1" зорнай госцяй тэлекафэ праграмы "Дзень у вялікім горадзе" стане салістка легендарнага ансамбля "Сябры" Алеся. Ужо ў сераду яна прыме ўдзел у вялікім юбілейным канцэрце "Сяброў", які пройдзе ў Палацы Рэспублікі, а напярэдадні зазірне ў студыю самай жаночай праграмы на айчынным тэлебачанні.

Прэс-рэліз 31 кастрычніка ў эфіры спартыўнага тэлеканала медыяхолдынга адбудзецца прэм'ера дакументальнага праекта памяці Анатоля Капскага. У карціне тэлегледачы ўбачаць знакамітага беларускага футбольнага менеджара энтузіястам, летуценнікам і шчырым вернікам.

Прэс-рэліз Сталі вядомыя імёны вядучых дзіцячага конкурсу песні "Еўрабачанне-2018". На сцэну "Мінск-Арэны" 25 лістапада выйдуць Яўген Перлін, Зена (Зіна Купрыяновіч) і Хелена Мерааі. Урачыстую цырымонію адкрыцця музычнага форуму 19 лістапада ў НВЦ "БелЭкспа" будуць весці Дзяніс Дудзінскі і Ганна Квілорыя.

Прэс-рэліз Надыходзяць доўгачаканыя фестывальныя дні: ужо 2 лістапада адкрываецца XXV Мінскі міжнародны кінафестываль "Лістапад". Агенцтва тэленавін, тэле- і радыёканалы медыяхолдынга акажуць інфармацыйную падтрымку форуму, а канал "Беларусь 3" напярэдадні фестывалю пакажа фільмы - прызёры мінулых гадоў.

Прэс-рэліз 29 кастрычніка ў эфіры тэлеканала "Беларусь 1" адбудзецца прэм'ерны паказ меладрамы "Каралева прыгажосці". Стужка раскажа аб няпростым лёсе савецкай правінцыялкі, якая насуперак усяму едзе ў Маскву, каб ажыццявіць сваю мару - працаваць манекеншчыцай.

Прэс-рэліз Афіцыйны мабільны дадатак Белтэлерадыёкампаніі з усімі тэлеканаламі медыяхолдынга набірае папулярнасць у беларускіх карыстальнікаў, тым самым дэманструе паспяховы старт кампаніі ў распаўсюджванні свайго кантэнту праз новыя медыяплатформы.

Прэс-рэліз 24 кастрычніка ў вячэрнім эфіры галоўнага тэлеканала краіны гледачы ўбачаць новую серыю праекта Агенцтва тэлевізійных навін "На кантролі Прэзідэнта", прысвечаную эфектыўнасці працы спартыўных арэн. Уся краіна жыве прадчуваннем ІІ Еўрапейскіх гульняў, якім будзе дадзены старт на мінскім стадыёне "Дынама" 21 чэрвеня 2019 года.

Прэс-рэліз 23 кастрычніка ў эфіры тэлеканала "Беларусь 2" стартуе дэтэктыўны серыял "Без тэрміну даўнасці". Карціна раскажа аб працы праваахоўных органаў і раскрые таямніцы, якія захоўваюцца за нераскрытымі злачынствамі, адпраўленымі ў архіў.

Нацыянальная дзяржаўная тэлерадыёкампанія Рэспублікі Беларусь сёння - гэта: 
- Тэлеканал "Беларусь 1";
- Тэлеканал "Беларусь 2";
- Тэлеканал "Беларусь 3";
- Тэлеканал "Беларусь 4";
- Тэлеканал "Беларусь 5";
- Тэлеканал "Беларусь 24";
- Тэлеканал "НТБ-Беларусь";
- Першы Нацыянальны канал Беларускага радыё;
- Радыёканал "Культура";
- Радыё "Беларусь;"
- Радыёстанцыя "Сталіца";
- Радыёстанцыя "Радыус FM";
- Пяць абласных тэлерадыёкампанiй.

Нацыянальнае тэлебачанне і радыё як неад'емная частка гісторыі і культуры краіны ўвабралі ў сябе такія ўласцівыя беларусам якасці, як адкрытасць, шчырасць, дружалюбнасць.

Галоўны тэлеканал краіны - "Беларусь 1" - гэта:
самая дакладная і аператыўная інфармацыя пра жыццё краіны, далёкага і блізкага замежжа;
больш за 100 кінапрэм'ер у новым сезоне, мастацкія фільмы самых розных жанраў і кірункаў, самыя скандальныя і папулярныя тэлесерыялы;
спорт высокіх дасягненняў, трансляцыі найбуйнейшых сусветных форумаў, эксклюзіўнасць спартыўнага прадукту.
Маючы багатыя традыцыі, "Беларусь 1" выкарыстоўвае самыя сучасныя тэхналогіі тэлевытворчасці, працягвае вывучаць, улічваць інтарэсы і запыты сваёй аўдыторыі, робіць усё, каб глядач, штораз уключаючы канал, адзначаў: "Гэта - "Беларусь 1"!

Тэлеканал "Беларусь 2" - пазнавальна-забаўны тэлеканал. "Беларусь 2" - сямейна-забаўны тэлеканал з акцэнтам на моладзевай аўдыторыі. Праграма перадач "Беларусь 2" змяшчае новыя забаўныя шоу і пазнавальныя праграмы, гумарыстычныя серыялы і скетч-шоу, кінапрэм’еры і шэдэўры сусветнага кінематографа, а таксама спорт вышэйшай пробы - Ліга чэмпіёнаў УЕФА, Ліга Еўропы УЕФА.

"Беларусь 2" - інтэрактыўны тэлеканал. Гледачы маюць магчымасць глядзець "Беларусь 2" у рэжыме анлайн і мець зносіны з творчай камандай кожнага праекта з дапамогай сацыяльных сетак, прымаць удзел у стварэнні якаснага кантэнту.


"Беларусь 3" - тэлеканал Нацыянальнай дзяржаўнай тэлерадыёкампаніі Рэспублікі Беларусь, яго мэта - забяспечыць асвятленне дзяржаўнай інфармацыйнай палітыкі ў галіне культурнага жыцця краіны. Місія тэлеканала - пазіцыянаванне культуры як сукупнасці матэрыяльных і інтэлектуальных каштоўнасцяў Рэспублікі Беларусь у сучасным медыяасяроддзі. Галоўная задача - даверная гутарка на тэмы культуры ў шырокім сэнсе слова.

"Беларусь 4" - рэгіянальны тэлеканал, канал з адзінай сеткай вяшчання, які з’яўляецца платформай для ўсіх абласцей краіны пад агульнай назвай "Беларусь 4" і выходзіць у кожнай з іх з указаннем рэгіёна: "Беларусь 4. Магілёў""Беларусь 4. Гомель""Беларусь 4. Віцебск""Беларусь 4. Гродна""Беларусь 4. Брэст"
Ідэя стварэння рэгіянальнага тэлеканала "Беларусь 4" належыць Белтэлерадыёкампаніі і падтрымана Міністэрствам інфармацыі і абласнымі выканкамамі. 

"Беларусь 5" - першы беларускі нацыянальны спартыўны дзяржаўны тэлеканал, які забяспечвае асвятленне дзяржаўнай інфармацыйнай палітыкі ў галіне спартыўнага жыцця Рэспублікі Беларусь. "Беларусь 5" - тэлеканал, які спрыяе фарміраванню здаровага ладу жыцця беларускага грамадства пры дапамозе сучасных медыйных рэсурсаў. Менавіта здаровы лад жыцця з'яўляецца адным з прыярытэтных кірункаў унутранай палітыкі нашай дзяржавы.
Місіяй тэлеканала з'яўляецца фарміраванне нацыянальнай самасвядомасці пры дапамозе прапаганды здаровага ладу жыцця, а таксама дасягненняў айчыннага спорту ў цэлым і асобных яго прадстаўнікоў у прыватнасці. Самыя цікавыя спартыўныя падзеі заўсёды можна ўбачыць на тэлеканале "Беларусь 5". Дырэкцыя спартыўнага тэлеканала "Беларусь 5" працуе для таго, каб спаборніцтвы з сусветных арэн з'явіліся на беларускіх тэлеэкранах.

"Беларусь 24"- гэта першы спадарожнікавы тэлеканал Республікі Беларусь, закліканы адлюстроўваць беларускія і замежныя палітычныя, сацыяльныя і культурныя рэаліі, прапаноўваючы замежным тэлегледачам аб`ектыўную інфармацыю аб найважнейшых падзеях у краіне и свеце. Гэта самыя свежыя навіны, актуальныя тэлепраекты і эксклюзіўны тэлепаказ.

Тэлеканал "НТБ-Беларусь" пачаў сваё вяшчанне 4 ліпеня 2006 г.
"НТБ-Беларусь" у сваім эфіры захоўвае лепшыя і любімыя многімі тэлегледачамі праграмы тэлеканала НТБ, такія як "Да бар'ера!", "Жаночы погляд", "Кватэрнае пытанне", "Прафесія - рэпарцёр", "Галоўны герой", "Рускія сенсацыі" і многія іншыя.
"НТБ-Беларусь" пры падборы фарматаў стараецца максімальна прытрымлівацца канцэпцыі тэлеканала НТБ. У эфіры будуць новыя прэм'ерныя серыялы, класіка сусветнага кіно і новыя прэм'ерныя фільмы.
"НТБ-Беларусь" дзякуючы сучаснаму лічбаваму вяшчальнаму абсталяванню і прафесіяналізму калектыву з годнасцю падтрымлівае ўзровень якасці вяшчання тэлеканала НТБ.

Візітная картка Беларускага радыё - Першы нацыянальны канал. У аснове вяшчальнай палітыкі - масавасць і даступнасць, велізарны аб'ём інфармацыі, аператыўнасць і актуальнасць. Канал вяшчае кругласутачна.
Першы Нацыянальны канал слухаюць больш як 80% насельніцтва краіны. Гэта - самы высокі рэйтынг сярод электронных СМІ.
Быць заўсёды сярод сваіх слухачоў, разам вырашаць важныя праблемы, цікава і з карысцю адпачываць абавязвае дэвіз самага папулярнага народнага радыё - "Будзем разам!".

Адным з прыярытэтаў новай вяшчальнай палітыкі Беларускага радыё з'яўляецца папулярызацыя нацыянальнай і сусветнай культуры. Гэтую задачу сёння паспяхова выконвае канал "Культура".
12 ліпеня 2003 года пачала працаваць новая радыёстанцыя "Радыус FM". Радыёстанцыя працуе для актыўнага насельніцтва краіны. На хвалях "Радыус FM" - сучасная музыка, свежыя навіны і карысная інфармацыя. Папулярныя дыджэі ствараюць добры настрой і дораць падарункі. "Радыус FM" у эфіры кругласутачна на ўсёй тэрыторыі Беларусі. Сайт - radiusfm.by.

Карыстаецца папулярнасцю ў слухачоў і радыёстанцыя "Сталіца". З моманту свайго нараджэння - 21 верасня 1998 года - радыё прытрымліваецца прынцыпу "Радыё "Сталіца" - наша радыё". Радыё "Сталіца" - дзяржаўная беларускамоўная радыёстанцыя, здольная канкурыраваць з дзеючымі недзяржаўнымі радыёстанцыямі. Штодня радыё "Сталіца" суправаджае вас 24 гадзіны на ультракароткіх хвалях - УКХ 72.89 і 105,1 Fm або ў рэжыме рэальнага часу ў Інтэрнэце, а з 18:00 да 19:00 па правадной сетцы (Мінск і Мінская вобласць).

Радыё "Беларусь" з'яўляецца структурным падраздзяленнем Нацыянальнай дзяржаўнай тэлерадыёкампаніі Рэспублікі Беларусь. Нашы пазыўныя на кароткіх хвалях гучаць у міжнародным эфіры з 11 мая 1962 года. На сённяшні дзень радыё вяшчае на 9 мовах. Першапачаткова перадачы былі толькі на беларускай мове, а ў 1998 годзе радыё пачулі на рускай і англійскай мовах. З 2006 года радыё пачало вяшчанне на польскай мове. З 2010 года ў эфір сталі выходзіць праграмы на французскай і іспанскай мовах, а ў 2012 - на кітайскай, з 2017 - на арабскай мове.
Радыё "Беларусь" - гэта крыніца аб'ектыўнай і поўнай інфармацыі пра падзеі ў нашай краіне ў эфіры і Інтэрнэце!

Белтэлерадыёкампанія - гэта структура, якая дынамічна развіваецца і з упэўненасцю глядзіць у будучыню.