"Крута, ты трапіў на YOUTUBE!". Ці так гэта, даведаюцца гледачы "Беларусь 1"

"Крута, ты трапіў на YOUTUBE!". Ці так гэта, даведаюцца гледачы "Беларусь 1" 16.10.2017

Прэс-рэліз

17 кастрычніка ў эфіры тэлеканала "Беларусь 1" Агенцтва тэленавін Белтэлерадыёкампаніі прапануе новы выпуск праекта "Спецыяльны рэпартаж" - "Крута, ты трапіў на YouTube!". Гэтым разам гледачы даведаюцца, хто і навошта кожную хвіліну "залівае" ў Інтэрнэт па 300 гадзін відэа, колькі зарабляюць беларускія відэаблогеры і да якіх наступстваў можа прывесці пагоня за праглядамі і падпісантамі.

Стварэнне гіганцкай відэаімперыі пачыналася 12 гадоў таму з 18-секунднага роліка, у якім Джавед Карым, сузаснавальнік папулярнага відэахостынга, падзяліўся сваімі ўражаннямі ад паходу ў заапарк. Сёння дзякуючы YouTube любы ахвочы можа стаць аўтарам уласнага рэаліці-шоу. Аўдыторыя глабальнага відэаархіва - больш за адзін мільярд чалавек. І кожны карыстальнік сэрвісу сапраўды сам сабе рэжысёр і сам сабе тэлебачанне.

У новым выпуску "Спецыяльнага рэпартажу" гледачы "Беларусь 1" даведаюцца, якія сакрэты папулярнасці выкарыстоўваюць беларускія відэаблогеры, чаму паспяховы блог на YouTube можа замяніць асноўную працу і які кантэнт здольны атрымаць максімальны лік праглядаў і лайкаў.

Карэспандэнты АТН сустрэнуцца з беларускімі відэаблогерамі: Надзеяй Валатоўскай, Алегам Несцеравым, юнай Варай Кужоўнік, не абыдуць бокам і папулярнага Улада Бумагу. Таксама тэлежурналісты пагутараць з экспертам новых медыя, крэатыўным дырэктарам агенцтва, псіхолагам.

"Сёння, каб збіраць шматтысячную аўдыторыю, дастаткова мець мабільны тэлефон. Хтосьці можа сказаць, што дні традыцыйнага тэлебачання палічаныя. Але ў рэальнасці - чым далей развіваецца YouTube, тым больш ён становіцца падобным на традыцыйнае ТБ. Бюджэты растуць, блогеры набіраюць сабе каманды, "малюначкам" займаюцца прафесіяналы. А выйграе ад гэтай бітвы фарматаў і платформ наш глядач", - лічыць аўтар фільма, журналіст АТН Аляксей Адашкін.

Выпуск "Крута, ты трапіў на YOUTUBE!" праекта "Спецыяльны рэпартаж" гледачы "Беларусь 1" убачаць у аўторак адразу пасля "Панарамы".