"Камень, нажніцы, папера" на "Беларусь 2": не кідайце камень, пакуль не праверыце ўсё на сабе!

"Камень, нажніцы, папера" на "Беларусь 2": не кідайце камень, пакуль не праверыце ўсё на сабе! 08.09.2017

Прэс-рэліз

10 верасня ў эфіры тэлеканала "Беларусь 2" адбудзецца вялікая прэм'ера: стартуе новы праект "Камень, нажніцы, папера". Карэспандэнты інфармацыйна-забаўнай праграмы згуляюць у гульню "камень-нажніцы-папера" і кінуць выклік лёсу.

"Чэленджы - папулярны кірунак, у якім блогеры ўвасабляюць у рэальнасць смешныя, недарэчныя, а часам рызыкоўныя заданні сваіх падпісчыкаў, а тыя ў сваю чаргу з цікавасцю назіраюць за іх ажыццяўленнем.

У праграме "Камень, нажніцы, папера" карэспандэнты тэлеканала "Беларусь 2" будуць выконваць розныя чэленджы, сапернічаючы між сабой і спрабуючы перацягнуць гледачоў на свой бок. Заданні рэпарцёры размяркуюць з дапамогай вядомай дзіцячай забавы "камень-нажніцы-папера".

"Карэспандэнты стануць удзельнікамі рэаліці-шоу, умовы ў якім будуць пастаянна змяняцца і ўскладняцца. Мы адважыліся на рызыкоўны эксперымент - усе доследы ставім на… людзях! Але не хвалюйцеся, падчас здымак ні адзін чалавек не пацярпеў", - адзначае аўтар праекта, тэлевядучая "Беларусь 2" Вікторыя Касянюк.

камень_ножницы_бумага

Адна з асаблівасцяў праграмы - яе інтэрактыўнасць: у гледачоў будзе магчымасць звязацца з удзельнікам рэаліці ў рэжыме анлайн, пакінуць каментарый у яго профілі і прапанаваць заданне для наступнай праграмы. І вядучы, і карэспандэнты будуць працітраваныя не толькі рэальнымі імёнамі, але і нікнеймамі з сацыяльнай сеткі Instagram.

Стваральнікі праекта пераконваюць, што інтрыга ў чэлендж-батле будзе захоўвацца да апошняга: аб выніках стане вядома толькі ў фінале праграмы, калі карэспандэнты збяруцца ў студыі і прадэманструюць, чым скончыўся эксперымент.

Дзе танней адпачыць - у Мінску або Смаргоні, хто хутчэй знойдзе працу - хіпстар-няўдачнік або прафесіянал з ідэальным рэзюмэ, але на інваліднай калясцы - усё гэта і шмат іншага карэспандэнты праграмы правераць на сабе.

У першым выпуску гледачоў чакае захапляльнае спаборніцтва бабулі дзвюх унучак Вольгі Юр'еўны і юнай красуні Каці. Каму ўдасца прыцягнуць найбольшую колькасць падпісчыкаў у Instagram? Што збярэ больш лайкаў: сэлфі з чырвонымі вуснамі або фатаграфіі катоў і ўнучак?

Прэм'ера праекта "Камень, нажніцы, папера" - у нядзелю, 10 верасня, у 17:40 на тэлеканале "Беларусь 2".