Пра кампанiю

Прэс-рэліз 25 чэрвеня на "Беларусь 1" стартуе новы праект Агенцтва тэленавін "Сферы нацыянальных інтарэсаў" - унікальны летапіс жыцця нашай краіны апошніх гадоў. Літаральна за лічаныя гады ў Беларусі адбыліся каласальныя змяненні ў сферах сацыяльнага забеспячэння, бяспекі, спорту, эканомікі класічнай і лічбавай.

Прэс-рэліз 19 чэрвеня ў Белтэлерадыёкампаніі прайшоў першы адборачны тур сярод 50 кандыдатаў, якія жадаюць стаць новымі тварамі тэлевізійных праектаў і праграм. Некаторыя з іх, магчыма, ужо ў найбліжэйшы час папоўняць шэрагі вядучых і рэпарцёраў галоўнага медыяхолдынга краіны.

Прэс-рэліз 21 чэрвеня ў 19:00 спартыўны канал медыяхолдынга ў прамым эфіры пакажа ўрачыстую цырымонію адкрыцця абноўленага Нацыянальнага алімпійскага стадыёна "Дынама". Арганізатары падрыхтавалі маштабную і насычаную музычна-спартыўную праграму.

Прэс-рэліз 19 чэрвеня ў галоўным медыяхолдынгу краіны пройдзе жывы прагляд першых 50 кандыдатаў на ролю вядучых для тэлеканалаў "Беларусь 1", "Беларусь 2", "Беларусь 3", "Беларусь 4", "Беларусь 5", "Беларусь 24" і "НТБ-Беларусь".

Прэс-рэліз 21 чэрвеня 2018 года Першы нацыянальны канал Беларускага радыё запускае "зваротны адлік" да ІІ Еўрапейскіх гульняў. На працягу ўсяго эфірнага дня галоўны інфармацыйны радыёканал краіны будзе расказваць, як Беларусь рыхтуецца прыняць важную спартыўную падзею кантынента.

Прэс-рэліз Канал "Культура" Беларускага радыё пры ўдзеле Цэнтра беларускай драматургіі дзяржаўнай установы "Заслужаны калектыў Рэспублікі Беларусь "Рэспубліканскі тэатр беларускай драматургіі" працягвае прымаць заяўкі на конкурс сучаснай п'есы "Беларускі радыётэатр у ХХІ стагоддзі".

Інфармацыйнае паведамленне Паважаныя калегі! Звяртаем вашу ўвагу, што факты, пададзеныя ў матэрыялах сеткавых СМІ пра інцыдэнт з наездам аўтамабіля супрацоўніцы Белтэлерадыёкампаніі на пікетчыкаў каля рэстарана ў Курапатах, не адпавядаюць рэчаіснасці.

Інфармацыйнае паведамленне Тэлегледачоў чакаюць штодзённыя прамыя трансляцыі матчаў мундыялю і тэматычныя дзённікі чэмпіянату з аглядамі мінулых і анонсамі маючых адбыцца гульнявых дзён. У чацвер пачнецца галоўная футбольная падзея чатырохгоддзя - Кубак свету FIFA, і спартыўны тэлеканал гатовы да маштабнага асвятлення турніру! У 17:00 у прамым эфіры "Беларусь 5" будзе паказана прэўю чэмпіянату: у студыі "600 метраў" Белтэлерадыёкампаніі Мікалай Хадасевіч, Дзмітрый Раўнейка і Васіль Хамутоўскі будуць ствараць футбольны настрой і разаграваць балельшчыкаў перад афіцыйным стартам турніру.

Прэс-рэліз 19 чэрвеня на галоўным канале медыяхолдынга стартуе прэм'ерны паказ адразу двух серыялаў - "Пакаёўка" і "Каханне і разлука". Абедзве стужкі распавядуць гісторыю пра духоўна моцных, стойкіх і мэтанакіраваных жанчын, якія да апошняга змагаюцца за сваю мару і шчасце.

Прэс-рэліз 14 чэрвеня, у стартавы дзень мундыялю, Белтэлерадыёкампанія пачне маштабнае асвятленне міжнароднага футбольнага форуму. Тэлеканал "Беларусь 5" правядзе прамую трансляцыю са стадыёна "Лужнікі" ў Маскве, дзе адбудзецца ўрачыстая цырымонія адкрыцця чэмпіянату і пройдзе першы матч.

Прэс-рэліз Мядзведзь, матрошка, балалайка - спартыўны канал медыяхолдынга гатовы да маючага адбыцца мундыялю. Для сваіх тэлегледачоў "Беларусь 5" падрыхтаваў серыю тэматычных відэаролікаў, у якіх Уладзімір Навіцкі на розных мовах запрашае сваіх калег у Расію на футбольнае першынство.

Прэс-рэліз Радыё "Беларусь" правядзе радыёмарафон па розных кутках рэспублікі, прысвечаны Году малой радзімы. Карэспандэнты міжнароднага радыё пабываюць у беларускіх гарадах і пазнаёмяць слухачоў з цікавымі суразмоўцамі і жыхарамі, якія дапамогуць адчуць каларыт мясцовасці.

Прэс-рэліз Галоўны медыяхолдынг краіны шукае яркіх, харызматычных і мэтанакіраваных людзей - дарослых і дзяцей ва ўзросце ад 9 да 14 гадоў, якія не баяцца цяжкасцей і гатовыя прайсці ўсе этапы адбору, каб стаць вядучымі адной з галоўных музычных падзей Еўропы - дзіцячага конкурсу песні "Еўрабачанне-2018".

Прэс-рэліз Да 60-годдзя Наваполацка, аднаго з самых маладых гарадоў краіны, журналісты Агенцтва тэленавін Белтэлерадыёкампаніі падрыхтавалі новы фільм з цыкла "Спецыяльны рэпартаж". Пра "белы горад" фантанаў і бяроз, унікальных мазаік і дзіўных скульптур распавядзе спецыяльны карэспандэнт АТН Алеся Высоцкая.

Прэс-рэліз 9 чэрвеня тэлеканал "Беларусь 3" прапануе ў эфіры прэм'еру ўнікальнага праекта "Жывая культура". Новая праграма эмацыянальна і ў папулярнай форме пастараецца ўвекавечыць у кадры і ў памяці тэлегледачоў тое, да чаго немагчыма дакрануцца, і тое, што не зможа захаваць ні адзін музей свету, - веды, традыцыі і абрады беларускага народа - нематэрыяльныя каштоўнасці гісторыка-культурнай спадчыны краіны.

Прэс-рэліз Галоўны медыяхолдынг краіны аб'яўляе пачатак прыёму заявак для ўдзелу ў нацыянальным адборачным туры дзіцячага конкурсу песні "Еўрабачанне-2018", які пройдзе 25 лістапада ў Мінску (Беларусь). Арганізатарам нацыянальнага адборачнага тура выступае Белтэлерадыёкампанія.

Прэс-рэліз Галоўны медыяхолдынг краіны працягвае шукаць новых вядучых для тэлеканалаў "Беларусь 1", "Беларусь 2", "Беларусь 3", "Беларусь 4", "Беларусь 5", "Беларусь 24" і "НТБ-Беларусь". Запрашаюцца мэтанакіраваныя, таленавітыя і харызматычныя людзі, якія жадаюць пастаянна ўдасканальвацца і дарыць тэлегледачам добры настрой.

Прэс-рэліз 8 і 9 чэрвеня ў Маладзечне пройдзе XVIII Нацыянальны фестываль беларускай песні і паэзіі “Маладзечна-2018”. Сацыякультурны тэлеканал “Беларусь 3” запрашае гледачоў разам акунуцца ў святочную атмасферу форуму, пабываць на галоўных канцэртных пляцоўках і атрымаць шмат уражанняў.

Інфармацыйнае паведамленне Следам за тэхнічным дырэктарам Міжнароднага дзіцячага конкурсу песні "Еўрабачанне-2018" у Мінску з рабочым візітам знаходзіцца шоу-дырэктар з Мальты Гордан Банела. У еўравізійных справах Гордан Банела не навічок: ён займаўся арганізацыяй дзіцячага "Еўрабачання" ў 2014 і 2016 гадах у сваёй роднай краіне, у 2015 - у Балгарыі, а летась - у Грузіі.

Прэс-рэліз 5 чэрвеня на "Беларусь 2" стартуе паказ дэтэктыўнага серыяла "Што робіць твая жонка?" (Расія, 2017). Стужка распавядзе пра дзяўчыну з неверагодным талентам да расследавання злачынстваў, а таксама пра сапраўдныя дэтэктыўныя гісторыі, хітрых зламыснікаў, заблытаныя галаваломкі і складаныя лагічныя ланцужкі.

Нацыянальная дзяржаўная тэлерадыёкампанія Рэспублікі Беларусь сёння - гэта: 
- Тэлеканал "Беларусь 1";
- Тэлеканал "Беларусь 2";
- Тэлеканал "Беларусь 3";
- Тэлеканал "Беларусь 4";
- Тэлеканал "Беларусь 5";
- Тэлеканал "Беларусь 24";
- Тэлеканал "НТБ-Беларусь";
- Першы Нацыянальны канал Беларускага радыё;
- Радыёканал "Культура";
- Радыё "Беларусь;"
- Радыёстанцыя "Сталіца";
- Радыёстанцыя "Радыус FM";
- Пяць абласных тэлерадыёкампанiй.

Нацыянальнае тэлебачанне і радыё як неад'емная частка гісторыі і культуры краіны ўвабралі ў сябе такія ўласцівыя беларусам якасці, як адкрытасць, шчырасць, дружалюбнасць.

Галоўны тэлеканал краіны - "Беларусь 1" - гэта:
самая дакладная і аператыўная інфармацыя пра жыццё краіны, далёкага і блізкага замежжа;
больш за 100 кінапрэм'ер у новым сезоне, мастацкія фільмы самых розных жанраў і кірункаў, самыя скандальныя і папулярныя тэлесерыялы;
спорт высокіх дасягненняў, трансляцыі найбуйнейшых сусветных форумаў, эксклюзіўнасць спартыўнага прадукту.
Маючы багатыя традыцыі, "Беларусь 1" выкарыстоўвае самыя сучасныя тэхналогіі тэлевытворчасці, працягвае вывучаць, улічваць інтарэсы і запыты сваёй аўдыторыі, робіць усё, каб глядач, штораз уключаючы канал, адзначаў: "Гэта - "Беларусь 1"!

Тэлеканал "Беларусь 2" - пазнавальна-забаўны тэлеканал. "Беларусь 2" - сямейна-забаўны тэлеканал з акцэнтам на моладзевай аўдыторыі. Праграма перадач "Беларусь 2" змяшчае новыя забаўныя шоу і пазнавальныя праграмы, гумарыстычныя серыялы і скетч-шоу, кінапрэм’еры і шэдэўры сусветнага кінематографа, а таксама спорт вышэйшай пробы - Ліга чэмпіёнаў УЕФА, Ліга Еўропы УЕФА.

"Беларусь 2" - інтэрактыўны тэлеканал. Гледачы маюць магчымасць глядзець "Беларусь 2" у рэжыме анлайн і мець зносіны з творчай камандай кожнага праекта з дапамогай сацыяльных сетак, прымаць удзел у стварэнні якаснага кантэнту.


"Беларусь 3" - тэлеканал Нацыянальнай дзяржаўнай тэлерадыёкампаніі Рэспублікі Беларусь, яго мэта - забяспечыць асвятленне дзяржаўнай інфармацыйнай палітыкі ў галіне культурнага жыцця краіны. Місія тэлеканала - пазіцыянаванне культуры як сукупнасці матэрыяльных і інтэлектуальных каштоўнасцяў Рэспублікі Беларусь у сучасным медыяасяроддзі. Галоўная задача - даверная гутарка на тэмы культуры ў шырокім сэнсе слова.

"Беларусь 4" - рэгіянальны тэлеканал, канал з адзінай сеткай вяшчання, які з’яўляецца платформай для ўсіх абласцей краіны пад агульнай назвай "Беларусь 4" і выходзіць у кожнай з іх з указаннем рэгіёна: "Беларусь 4. Магілёў""Беларусь 4. Гомель""Беларусь 4. Віцебск""Беларусь 4. Гродна""Беларусь 4. Брэст"
Ідэя стварэння рэгіянальнага тэлеканала "Беларусь 4" належыць Белтэлерадыёкампаніі і падтрымана Міністэрствам інфармацыі і абласнымі выканкамамі. 

"Беларусь 5" - першы беларускі нацыянальны спартыўны дзяржаўны тэлеканал, які забяспечвае асвятленне дзяржаўнай інфармацыйнай палітыкі ў галіне спартыўнага жыцця Рэспублікі Беларусь. "Беларусь 5" - тэлеканал, які спрыяе фарміраванню здаровага ладу жыцця беларускага грамадства пры дапамозе сучасных медыйных рэсурсаў. Менавіта здаровы лад жыцця з'яўляецца адным з прыярытэтных кірункаў унутранай палітыкі нашай дзяржавы.
Місіяй тэлеканала з'яўляецца фарміраванне нацыянальнай самасвядомасці пры дапамозе прапаганды здаровага ладу жыцця, а таксама дасягненняў айчыннага спорту ў цэлым і асобных яго прадстаўнікоў у прыватнасці. Самыя цікавыя спартыўныя падзеі заўсёды можна ўбачыць на тэлеканале "Беларусь 5". Дырэкцыя спартыўнага тэлеканала "Беларусь 5" працуе для таго, каб спаборніцтвы з сусветных арэн з'явіліся на беларускіх тэлеэкранах.

"Беларусь 24"- гэта першы спадарожнікавы тэлеканал Республікі Беларусь, закліканы адлюстроўваць беларускія і замежныя палітычныя, сацыяльныя і культурныя рэаліі, прапаноўваючы замежным тэлегледачам аб`ектыўную інфармацыю аб найважнейшых падзеях у краіне и свеце. Гэта самыя свежыя навіны, актуальныя тэлепраекты і эксклюзіўны тэлепаказ.

Тэлеканал "НТБ-Беларусь" пачаў сваё вяшчанне 4 ліпеня 2006 г.
"НТБ-Беларусь" у сваім эфіры захоўвае лепшыя і любімыя многімі тэлегледачамі праграмы тэлеканала НТБ, такія як "Да бар'ера!", "Жаночы погляд", "Кватэрнае пытанне", "Прафесія - рэпарцёр", "Галоўны герой", "Рускія сенсацыі" і многія іншыя.
"НТБ-Беларусь" пры падборы фарматаў стараецца максімальна прытрымлівацца канцэпцыі тэлеканала НТБ. У эфіры будуць новыя прэм'ерныя серыялы, класіка сусветнага кіно і новыя прэм'ерныя фільмы.
"НТБ-Беларусь" дзякуючы сучаснаму лічбаваму вяшчальнаму абсталяванню і прафесіяналізму калектыву з годнасцю падтрымлівае ўзровень якасці вяшчання тэлеканала НТБ.

Візітная картка Беларускага радыё - Першы нацыянальны канал. У аснове вяшчальнай палітыкі - масавасць і даступнасць, велізарны аб'ём інфармацыі, аператыўнасць і актуальнасць. Канал вяшчае кругласутачна.
Першы Нацыянальны канал слухаюць больш як 80% насельніцтва краіны. Гэта - самы высокі рэйтынг сярод электронных СМІ.
Быць заўсёды сярод сваіх слухачоў, разам вырашаць важныя праблемы, цікава і з карысцю адпачываць абавязвае дэвіз самага папулярнага народнага радыё - "Будзем разам!".

Адным з прыярытэтаў новай вяшчальнай палітыкі Беларускага радыё з'яўляецца папулярызацыя нацыянальнай і сусветнай культуры. Гэтую задачу сёння паспяхова выконвае канал "Культура".
12 ліпеня 2003 года пачала працаваць новая радыёстанцыя "Радыус FM". Радыёстанцыя працуе для актыўнага насельніцтва краіны. На хвалях "Радыус FM" - сучасная музыка, свежыя навіны і карысная інфармацыя. Папулярныя дыджэі ствараюць добры настрой і дораць падарункі. "Радыус FM" у эфіры кругласутачна на ўсёй тэрыторыі Беларусі. Сайт - radiusfm.by.

Карыстаецца папулярнасцю ў слухачоў і радыёстанцыя "Сталіца". З моманту свайго нараджэння - 21 верасня 1998 года - радыё прытрымліваецца прынцыпу "Радыё "Сталіца" - наша радыё". Радыё "Сталіца" - дзяржаўная беларускамоўная радыёстанцыя, здольная канкурыраваць з дзеючымі недзяржаўнымі радыёстанцыямі. Штодня радыё "Сталіца" суправаджае вас 24 гадзіны на ультракароткіх хвалях - УКХ 72.89 і 105,1 Fm або ў рэжыме рэальнага часу ў Інтэрнэце, а з 18:00 да 19:00 па правадной сетцы (Мінск і Мінская вобласць).

Радыё "Беларусь" з'яўляецца структурным падраздзяленнем Нацыянальнай дзяржаўнай тэлерадыёкампаніі Рэспублікі Беларусь. Нашы пазыўныя на кароткіх хвалях гучаць у міжнародным эфіры з 11 мая 1962 года. На сённяшні дзень радыё вяшчае на 9 мовах. Першапачаткова перадачы былі толькі на беларускай мове, а ў 1998 годзе радыё пачулі на рускай і англійскай мовах. З 2006 года радыё пачало вяшчанне на польскай мове. З 2010 года ў эфір сталі выходзіць праграмы на французскай і іспанскай мовах, а ў 2012 - на кітайскай, з 2017 - на арабскай мове.
Радыё "Беларусь" - гэта крыніца аб'ектыўнай і поўнай інфармацыі пра падзеі ў нашай краіне ў эфіры і Інтэрнэце!

Белтэлерадыёкампанія - гэта структура, якая дынамічна развіваецца і з упэўненасцю глядзіць у будучыню.