Пра кампанiю

Прэс-рэліз З 22 па 26 кастрычніка да 85-годдзя з дня нараджэння народнага артыста БССР, рэжысёра і педагога Ігара Дабралюбава, тэлеканал "Беларусь 3" пакажа адразу пяць любімых гледачамі фільмаў, якія варта паглядзець яшчэ раз.

Інфармацыйнае паведамленне 15 кастрычніка ў Беларусь прыбывае каманда Еўрапейскага Вяшчальнага Саюза, якая разам з экспертамі Белтэлерадыёкампаніі будзе працаваць над падрыхтоўкай галоўнага шоу дзіцячага конкурсу песні "Еўрабачанне-2018".

Прэс-рэліз 4 лістапада ў эфіры сацыякультурнага канала стартуе праект "Архітэктура Беларусі", які дазволіць тэлегледачам паглыбіцца ў мінулае і даведацца пра таямніцы ўнікальных помнікаў архітэктуры. Гісторыя нашай краіны складаная і разнастайная.

Прэс-рэліз Сёння ў гасцях інтэрв'ю-праекта "24 пытанні" - Старшыня Нацыянальнай дзяржаўнай тэлерадыёкампаніі Рэспублікі Беларусь Іван Эйсмант. Белтэлерадыёкампанія з'яўляецца суарганізатарам найбуйнейшых падзей у краіне і асвятляе мерапрыемствы сусветнага маштабу.

Інфармацыйнае паведамленне У сувязі з візітам у Беларусь Найсвяцейшага Патрыярха Маскоўскага і ўсяе Русі Кірыла ў дзень Пакроваў у праграме тэлеканала “Беларусь 3” адбыліся змены. Так, 14 кастрычніка ў 18:35 гледачы сацыякультурнага канала змогуць убачыць трансляцыю Боскай літургіі з чынам асвячэння храма-помніка ў гонар Усіх Святых.

Інфармацыйнае паведамленне Белтэлерадыёкампанія працягвае падрыхтоўку да дзіцячага конкурсу песні "Еўрабачанне-2018". Менш чым два месяцы застаецца да прэстыжнага еўрапейскага песеннага форуму ў Мінску. Каманда Белтэлерадыёкампаніі, якая займаецца яго падрыхтоўкай, паведаміла наглядальнаму савету міжнароднага конкурсу, што білеты ў залу для гледачоў на галоўнае шоу 25 лістапада прададзеныя, але яшчэ застаюцца білеты на танцпляцоўку і генеральную рэпетыцыю 24 лістапада.

Прэс-рэліз 11 кастрычніка ў эфіры тэлеканала "Беларусь 1" выйдзе новы фільм Агенцтва тэленавін з цыкла "Спецыяльны рэпартаж" - "Вера, Надзея, Любоў". Аб тых, хто вучыць спазнаваць важныя ўрокі жыцця з самага дзяцінства, для каго прафесія - гэты стан душы, раскажуць журналісты АТН.

Прэс-рэліз За першы тыдзень спартыўны інтэрнэт-канал Белтэлерадыёкампаніі паглядзелі больш за 120 000 унікальных карыстальнікаў. Найбольшым попытам у інтэрнэт-гледачоў карысталіся прамыя трансляцыі гучнага бою Хабіба Нурмагамедава і Конара Макгрэгара, цэнтральнага матча Англійскай прэм'ер-лігі паміж "Ліверпулем" і "Манчэстэр Сіці", а таксама гульняў Лігі чэмпіёнаў УЕФА.

Прэс-рэліз 4 кастрычніка ў 21:05 у радыёпраекце “Творчы вечар” адбудзецца прэзентацыя праекта-конкурса “Бацькаўшчына светлая мая”, прысвечанага Году малой радзімы. Гэта сумесны праект Першага нацыянальнага канала Беларускага радыё і літаратурна-мастацкага часопіса “Маладосць”.

Прэс-рэліз 6 кастрычніка народнаму артысту Беларусі, харэографу, мастацкаму кіраўніку Дзяржаўнага ансамбля танца Беларусі Валянціну Дудкевічу спаўняецца 75 гадоў. Тэлеканал “Беларусь 3” з гэтай цудоўнай нагоды падрыхтаваў адмысловы тэматычны эфір.

Інфармацыйнае паведамленне 2 кастрычніка пачаўся продаж білетаў на дзіцячы конкурс песні "Еўрабачанне-2018". Білеты будуць рэалізоўвацца як на сам фінал конкурсу 25 лістапада, так і на генеральную рэпетыцыю 24 лістапада.

Прэс-рэліз 6 кастрычніка ў эфіры тэлеканала "Беларусь 2" прэм'ера інтэрактыўнага забаўнага праекта "Хто я?". Героямі новай праграмы стануць звычайныя прахожыя, якім трэба будзе адважыцца на авантуру і ўзяць удзел у інтэрактыўнай гульні.

Інфармацыйнае паведамленне Да 15-годдзя аддзела "Прэс-служба Белтэлерадыёкампаніі" на афіцыйным сайце медыяхолдынга www.tvr.by запушчаны новы раздзел - "PR-каляндар". Гэты праект, распрацаваны прэс-службай сумесна з галоўнай дырэкцыяй інтэрнэт-вяшчання кампаніі, паслужыць напамінам гледачам і калегам пра значныя юбілеі ўпадабаных праграм, пра даты прэм'ер новых шоу, пра дні нараджэння вядомых медыйных персон.

Прэс-рэліз 1 кастрычніка ў эфіры тэлеканала "Беларусь 1" стартуе прэм'ерная серыя відэаролікаў "Беларусь памятае", падрыхтаваных Агенцтвам тэлевізійных навін да 75-годдзя вызвалення нашай краіны ад нямецка-фашысцкіх захопнікаў.

Прэс-рэліз 1 кастрычніка ў ранішняй папулярнай праграме "Добрай раніцы, Беларусь!" пра навінкі тэлевізійнага сезона 2018/2019 раскажуць кіраўнікі каналаў, аўтары і вядучыя праектаў. У госці на ранішнюю каву да вядучых першага ў новым тэлесезоне выпуску "Добрай раніцы!" Дзяніса Дудзінскага і Святланы Бароўскай зазірне і Старшыня Белтэлерадыёкампаніі Іван Эйсмант.

Прэс-рэліз Белтэлерадыёкампанія запускае новы арыгінальны праект для балельшчыкаў - упершыню ў краіне з'явіцца паўнавартасны спартыўны інтэрнэт-канал. Пад назвай "Беларусь 5. Інтэрнэт" ён будзе даступны да прагляду з 1 кастрычніка 2018 года на сайце кампаніі www.

Прэс-рэліз 29-30 верасня на Першым нацыянальным канале Беларускага радыё адбудзецца прэм’ера радыёспектакля ў 2-х частках “Севярын і Гражына” паводле вядомай паэмы ў прозе Уладзіміра Караткевіча “Чазенія”. У цэнтры сюжэта - лёс таленавітага беларускага навукоўца Севярына Будрыса, якога хвалююць праблемы захавання ўсяго жывога на зямлі.

Прэс-рэліз 2 кастрычніка ў эфіры тэлеканала "Беларусь 2" стартуе прэм'ера - дакудраматычны серыял вытворчасці Белтэлерадыёкампаніі "Сямейныя гісторыі". Аўтары цыкла прапаноўваюць тэлегледачам убачыць жыццё рэальных людзей і яшчэ раз пераканацца ў тым, што ўсё таемнае становіцца відавочным.

Прэс-рэліз 29 верасня гледачоў канала "Беларусь 1" чакае вялікая прэм'ера Агенцтва тэленавін - суботняе шоу "Макаёнка, 9". Гэта першы ў Беларусі праект, які сумесціць фармат інфармацыйнай праграмы і класічнага late night show.

Прэс-рэліз Тэле- і радыёканалы Белтэлерадыёкампаніі ўступаюць у новы сезон 2018/2019. З некаторымі праектамі гледачы ўжо маглі пазнаёміцца ў тэлеэфіры, многія навінкі яшчэ рыхтуюцца да прэм'еры гэтай восенню, а радыёканалы медыяхолдынга пачынаюць вяшчальны сезон з 1 кастрычніка.

Нацыянальная дзяржаўная тэлерадыёкампанія Рэспублікі Беларусь сёння - гэта: 
- Тэлеканал "Беларусь 1";
- Тэлеканал "Беларусь 2";
- Тэлеканал "Беларусь 3";
- Тэлеканал "Беларусь 4";
- Тэлеканал "Беларусь 5";
- Тэлеканал "Беларусь 24";
- Тэлеканал "НТБ-Беларусь";
- Першы Нацыянальны канал Беларускага радыё;
- Радыёканал "Культура";
- Радыё "Беларусь;"
- Радыёстанцыя "Сталіца";
- Радыёстанцыя "Радыус FM";
- Пяць абласных тэлерадыёкампанiй.

Нацыянальнае тэлебачанне і радыё як неад'емная частка гісторыі і культуры краіны ўвабралі ў сябе такія ўласцівыя беларусам якасці, як адкрытасць, шчырасць, дружалюбнасць.

Галоўны тэлеканал краіны - "Беларусь 1" - гэта:
самая дакладная і аператыўная інфармацыя пра жыццё краіны, далёкага і блізкага замежжа;
больш за 100 кінапрэм'ер у новым сезоне, мастацкія фільмы самых розных жанраў і кірункаў, самыя скандальныя і папулярныя тэлесерыялы;
спорт высокіх дасягненняў, трансляцыі найбуйнейшых сусветных форумаў, эксклюзіўнасць спартыўнага прадукту.
Маючы багатыя традыцыі, "Беларусь 1" выкарыстоўвае самыя сучасныя тэхналогіі тэлевытворчасці, працягвае вывучаць, улічваць інтарэсы і запыты сваёй аўдыторыі, робіць усё, каб глядач, штораз уключаючы канал, адзначаў: "Гэта - "Беларусь 1"!

Тэлеканал "Беларусь 2" - пазнавальна-забаўны тэлеканал. "Беларусь 2" - сямейна-забаўны тэлеканал з акцэнтам на моладзевай аўдыторыі. Праграма перадач "Беларусь 2" змяшчае новыя забаўныя шоу і пазнавальныя праграмы, гумарыстычныя серыялы і скетч-шоу, кінапрэм’еры і шэдэўры сусветнага кінематографа, а таксама спорт вышэйшай пробы - Ліга чэмпіёнаў УЕФА, Ліга Еўропы УЕФА.

"Беларусь 2" - інтэрактыўны тэлеканал. Гледачы маюць магчымасць глядзець "Беларусь 2" у рэжыме анлайн і мець зносіны з творчай камандай кожнага праекта з дапамогай сацыяльных сетак, прымаць удзел у стварэнні якаснага кантэнту.


"Беларусь 3" - тэлеканал Нацыянальнай дзяржаўнай тэлерадыёкампаніі Рэспублікі Беларусь, яго мэта - забяспечыць асвятленне дзяржаўнай інфармацыйнай палітыкі ў галіне культурнага жыцця краіны. Місія тэлеканала - пазіцыянаванне культуры як сукупнасці матэрыяльных і інтэлектуальных каштоўнасцяў Рэспублікі Беларусь у сучасным медыяасяроддзі. Галоўная задача - даверная гутарка на тэмы культуры ў шырокім сэнсе слова.

"Беларусь 4" - рэгіянальны тэлеканал, канал з адзінай сеткай вяшчання, які з’яўляецца платформай для ўсіх абласцей краіны пад агульнай назвай "Беларусь 4" і выходзіць у кожнай з іх з указаннем рэгіёна: "Беларусь 4. Магілёў""Беларусь 4. Гомель""Беларусь 4. Віцебск""Беларусь 4. Гродна""Беларусь 4. Брэст"
Ідэя стварэння рэгіянальнага тэлеканала "Беларусь 4" належыць Белтэлерадыёкампаніі і падтрымана Міністэрствам інфармацыі і абласнымі выканкамамі. 

"Беларусь 5" - першы беларускі нацыянальны спартыўны дзяржаўны тэлеканал, які забяспечвае асвятленне дзяржаўнай інфармацыйнай палітыкі ў галіне спартыўнага жыцця Рэспублікі Беларусь. "Беларусь 5" - тэлеканал, які спрыяе фарміраванню здаровага ладу жыцця беларускага грамадства пры дапамозе сучасных медыйных рэсурсаў. Менавіта здаровы лад жыцця з'яўляецца адным з прыярытэтных кірункаў унутранай палітыкі нашай дзяржавы.
Місіяй тэлеканала з'яўляецца фарміраванне нацыянальнай самасвядомасці пры дапамозе прапаганды здаровага ладу жыцця, а таксама дасягненняў айчыннага спорту ў цэлым і асобных яго прадстаўнікоў у прыватнасці. Самыя цікавыя спартыўныя падзеі заўсёды можна ўбачыць на тэлеканале "Беларусь 5". Дырэкцыя спартыўнага тэлеканала "Беларусь 5" працуе для таго, каб спаборніцтвы з сусветных арэн з'явіліся на беларускіх тэлеэкранах.

"Беларусь 24"- гэта першы спадарожнікавы тэлеканал Республікі Беларусь, закліканы адлюстроўваць беларускія і замежныя палітычныя, сацыяльныя і культурныя рэаліі, прапаноўваючы замежным тэлегледачам аб`ектыўную інфармацыю аб найважнейшых падзеях у краіне и свеце. Гэта самыя свежыя навіны, актуальныя тэлепраекты і эксклюзіўны тэлепаказ.

Тэлеканал "НТБ-Беларусь" пачаў сваё вяшчанне 4 ліпеня 2006 г.
"НТБ-Беларусь" у сваім эфіры захоўвае лепшыя і любімыя многімі тэлегледачамі праграмы тэлеканала НТБ, такія як "Да бар'ера!", "Жаночы погляд", "Кватэрнае пытанне", "Прафесія - рэпарцёр", "Галоўны герой", "Рускія сенсацыі" і многія іншыя.
"НТБ-Беларусь" пры падборы фарматаў стараецца максімальна прытрымлівацца канцэпцыі тэлеканала НТБ. У эфіры будуць новыя прэм'ерныя серыялы, класіка сусветнага кіно і новыя прэм'ерныя фільмы.
"НТБ-Беларусь" дзякуючы сучаснаму лічбаваму вяшчальнаму абсталяванню і прафесіяналізму калектыву з годнасцю падтрымлівае ўзровень якасці вяшчання тэлеканала НТБ.

Візітная картка Беларускага радыё - Першы нацыянальны канал. У аснове вяшчальнай палітыкі - масавасць і даступнасць, велізарны аб'ём інфармацыі, аператыўнасць і актуальнасць. Канал вяшчае кругласутачна.
Першы Нацыянальны канал слухаюць больш як 80% насельніцтва краіны. Гэта - самы высокі рэйтынг сярод электронных СМІ.
Быць заўсёды сярод сваіх слухачоў, разам вырашаць важныя праблемы, цікава і з карысцю адпачываць абавязвае дэвіз самага папулярнага народнага радыё - "Будзем разам!".

Адным з прыярытэтаў новай вяшчальнай палітыкі Беларускага радыё з'яўляецца папулярызацыя нацыянальнай і сусветнай культуры. Гэтую задачу сёння паспяхова выконвае канал "Культура".
12 ліпеня 2003 года пачала працаваць новая радыёстанцыя "Радыус FM". Радыёстанцыя працуе для актыўнага насельніцтва краіны. На хвалях "Радыус FM" - сучасная музыка, свежыя навіны і карысная інфармацыя. Папулярныя дыджэі ствараюць добры настрой і дораць падарункі. "Радыус FM" у эфіры кругласутачна на ўсёй тэрыторыі Беларусі. Сайт - radiusfm.by.

Карыстаецца папулярнасцю ў слухачоў і радыёстанцыя "Сталіца". З моманту свайго нараджэння - 21 верасня 1998 года - радыё прытрымліваецца прынцыпу "Радыё "Сталіца" - наша радыё". Радыё "Сталіца" - дзяржаўная беларускамоўная радыёстанцыя, здольная канкурыраваць з дзеючымі недзяржаўнымі радыёстанцыямі. Штодня радыё "Сталіца" суправаджае вас 24 гадзіны на ультракароткіх хвалях - УКХ 72.89 і 105,1 Fm або ў рэжыме рэальнага часу ў Інтэрнэце, а з 18:00 да 19:00 па правадной сетцы (Мінск і Мінская вобласць).

Радыё "Беларусь" з'яўляецца структурным падраздзяленнем Нацыянальнай дзяржаўнай тэлерадыёкампаніі Рэспублікі Беларусь. Нашы пазыўныя на кароткіх хвалях гучаць у міжнародным эфіры з 11 мая 1962 года. На сённяшні дзень радыё вяшчае на 9 мовах. Першапачаткова перадачы былі толькі на беларускай мове, а ў 1998 годзе радыё пачулі на рускай і англійскай мовах. З 2006 года радыё пачало вяшчанне на польскай мове. З 2010 года ў эфір сталі выходзіць праграмы на французскай і іспанскай мовах, а ў 2012 - на кітайскай, з 2017 - на арабскай мове.
Радыё "Беларусь" - гэта крыніца аб'ектыўнай і поўнай інфармацыі пра падзеі ў нашай краіне ў эфіры і Інтэрнэце!

Белтэлерадыёкампанія - гэта структура, якая дынамічна развіваецца і з упэўненасцю глядзіць у будучыню.