Пра кампанiю

Прэс-рэліз У папулярнага ранішняга праекта "Добрай раніцы, Беларусь!" новыя вядучыя. У ранішні эфір адной з найстарэйшых праграм на Беларускім тэлебачанні вярнулася чароўная Ксенія Дзюкава, таксама будзіць гледачоў "Беларусь 1" даверана веселуну Андрэю Макаёнку.

Прэс-рэліз 17 снежня - вялікае свята для беларускага кінематографа: у гэты дзень у 1924 годзе пачалася амаль векавая гісторыя айчыннага кіно, якая падарыла свету нямала найгоднейшых узораў ігравога, дакументальнага і анімацыйнага кінамастацтва.

Прэс-рэліз З 10 снежня ранішні эфір на тэлеканале "Беларусь 2" стане яшчэ больш пазітыўным, ён дазволіць гледачам зарадзіцца бадзёрым настроем на пачатку дня і захаваць гэты зарад да самага вечара. "Уключайся!" - гэта ранішняе шоу для ўсёй сям'і з арыгінальнымі рубрыкамі, сучаснымі дэкарацыямі і новымі рулявымі эфіру.

Прэс-рэліз 7 снежня гледачы тэлеканала "Беларусь 1" убачаць прэм'еру крымінальнай меладрамы "Сэрца следчага" (Украіна, 2018). Гэта гісторыя пра тое, што часам чалавеку неабходна пераступіць гордасць, каб дараваць, пайсці на ўсё, каб выратаваць іншага чалавека, адкрыць сэрца таму, хто ў гэтым мае патрэбу… Паводле сюжэта, дзевяцігадовы беспрытульнік Ваня становіцца сведкам злачынства - ён бачыў твар рабаўніка банка.

Прэс-рэліз Да 90-годдзя з дня нараджэння вядомага кіргізскага і рускага пісьменніка, лаўрэата трох Дзяржаўных прэмій СССР Чынгіза Айтматава тэлеканал "Беларусь 3" пры падтрымцы пасольства Кыргызскай Рэспублікі ў нашай краіне прапануе рэтраспектыву савецкіх кінастужак паводле аднайменных твораў аўтара.

Прэс-рэліз Папулярная моладзевая праграма "Пін_код" вырашыла стаць яшчэ бліжэй да сваіх гледачоў і аб'явіла ў сацыяльных сетках кастынг на ролю рулявых эфіру сярод навучэнцаў 7-11 класаў. Аўтары праекта спадзяюцца, што такі падыход прыцягне яшчэ больш беларускіх школьнікаў да абмеркавання і асвятлення вострых пытанняў, якія сапраўды хвалююць маладое пакаленне.

Прэс-рэліз  Агенцтва тэленавін Белтэлерадыёкампаніі запускае серыю міжпраграмных ролікаў да 100-гадовага юбілею Беларускай Савецкай Сацыялістычнай Рэспублікі. У эфіры "Беларусь 1" чарадой зусім не парадных партрэтаў паўстануць самыя знакавыя асобы ў нашай гісторыі.

Прэс-рэліз 9 снежня, у дзень нараджэння Максіма Багдановіча, тэлеканал “Беларусь 3” пакажа выпуск праекта “Запіскі на палях” і канцэртную праграму Уладзіміра Мулявіна “Вянок” - цыкл песень на вершы несмяротнага лірыка.

Прэс-рэліз Увечар 8 снежня сацыякультурны тэлеканал пакажа ўрачысты канцэрт-адкрыццё VII Міжнароднага фестывалю JAZZ in Minsk - 2018. На мінулым тыдні ў ДК прафсаюзаў адбыўся сёмы штогадовы фестываль джазавай музыкі, які аб'яднаў на некалькі вечароў выканаўцаў сусветнага ўзроўню і знатакоў гэтага самабытнага кірунку.

Інфармацыйнае паведамленне Падчас трансляцыі 25 лістапада галоўнага шоу дзіцячага конкурсу песні "Еўрабачанне-2018" тэлеканал "Беларусь 1" заняў адну з вядучых пазіцый у беларускім эфіры, а дзіцячы музычны форум у Мінску ўпершыню зраўнаваўся па медыяпаказчыках з дарослым "Еўрабачаннем".

Прэс-рэліз З 27 па 29 лістапада ў эфіры сацыякультурнага тэлеканала ў спецыяльных выпусках праграмы "Час кіно" па выніках XXV Мінскага міжнароднага кінафестывалю "Лістапад-2018" гледачы ўбачаць беларускія стужкі, якія сталі прызёрамі і дыпламантамі нацыянальнага конкурсу найбуйнейшага ў краіне кінафоруму.

Інфармацыйнае паведамленне Белтэлерадыёкампанія і Еўрапейскі Вяшчальны Саюз дадуць магчымасць аб'явіць вынікі галасавання ад 8 краін - удзельніц дзіцячага конкурсу песні "Еўрабачанне-2018" беларускім школьнікам

Прэс-рэліз Стала вядома, як сёлета будуць выбіраць пераможца дзіцячага конкурсу песні "Еўрабачанне-2018". Механізм галасавання, уведзены Еўрапейскім Вяшчальным Саюзам у 2017 годзе, застаўся ранейшым: меркаванне нацыянальнага журы ад кожнай з краін-удзельніц плюс вынікі анлайн-галасавання гледачоў на афіцыйным сайце песеннага форуму.

Прэс-рэліз 24 лістапада на тэлеканале “Беларусь 3” адбудзецца прэм’ера праграмы “Спявае Беларусь”, якая пазнаёміць гледачоў з самабытнымі таленавітымі калектывамі і прапануе разам з імі праспяваць любімыя беларускія песні.

Інфармацыйнае паведамленне Арганізатары і рэжысёры дзіцячага конкурсу песні "Еўрабачанне-2018" вызначылі чарговасць выступленняў краін-удзельніц на галоўным шоу 25 лістапада на "Мінск-Арэне". Падчас урачыстай цырымоніі адкрыцця дзіцячага "Еўрабачання-2018" у Нацыянальным выставачным цэнтры "БелЭкспа" адбылася жараб'ёўка конкурсу.

Прэс-рэліз Сёння ў Мінску ўрачыстая цырымонія адкрыцця дзіцячага конкурсу песні "Еўрабачанне-2018" дасць старт вялікаму еўратыдню. Тэлеканалы "Беларусь 1" і "Беларусь 24", а таксама Першы канал Беларускага радыё прапануюць аўдыторыі медыяхолдынга штодзённыя дзённікі "Еўрабачання", насычаныя навінавыя сюжэты і прамыя ўключэнні, а таксама жывую трансляцыю галоўнай падзеі форуму - фінальнага канцэрта дзіцячага "Еўрабачання-2018" на "Мінск-Арэне".

Прэс-рэліз 19 лістапада ў Нацыянальным выставачным цэнтры "БелЭкспа" адбудзецца ўрачыстая цырымонія адкрыцця дзіцячага конкурсу песні "Еўрабачанне-2018", якая стане пачаткам вялікага еўратыдня. Усе 20 дэлегацый краін-удзельніц пройдуць па чырвонай дарожцы, падзеляцца ўражаннямі з журналістамі, пачуюць сказанае на дарогу слова арганізатараў і прадзюсараў конкурсу.

Прэс-рэліз Сёння вечарам Агенцтва тэленавін Белтэлерадыёкампаніі прапануе ў эфіры "Беларусь 1" публіцыстычны кінанарыс "Ігару Лучанку. "Я ў песню сыду…" памяці народнага артыста Беларусі, кампазітара Ігара Лучанка.

Інфармацыйнае паведамленне Сёння тэхнічная каманда Белтэлерадыёкампаніі завяршае на "Мінск-Арэне" мантаж сцэны дзіцячага конкурсу песні "Еўрабачанне-2018", і ўжо заўтра, 14 лістапада, там пачнуцца рэпетыцыі са статыстамі.

Прэс-рэліз 10 лістапада праект Агенцтва тэленавін "Макаёнка, 9" падзеліцца эксклюзівам з гледачамі канала "Беларусь 1". Гасцямі суботняга шоу гэтым разам стануць вядомая тэнісістка Арына Сабаленка і папулярны рэп-выканавец Feduk.

Нацыянальная дзяржаўная тэлерадыёкампанія Рэспублікі Беларусь сёння - гэта: 
- Тэлеканал "Беларусь 1";
- Тэлеканал "Беларусь 2";
- Тэлеканал "Беларусь 3";
- Тэлеканал "Беларусь 4";
- Тэлеканал "Беларусь 5";
- Тэлеканал "Беларусь 24";
- Тэлеканал "НТБ-Беларусь";
- Першы Нацыянальны канал Беларускага радыё;
- Радыёканал "Культура";
- Радыё "Беларусь;"
- Радыёстанцыя "Сталіца";
- Радыёстанцыя "Радыус FM";
- Пяць абласных тэлерадыёкампанiй.

Нацыянальнае тэлебачанне і радыё як неад'емная частка гісторыі і культуры краіны ўвабралі ў сябе такія ўласцівыя беларусам якасці, як адкрытасць, шчырасць, дружалюбнасць.

Галоўны тэлеканал краіны - "Беларусь 1" - гэта:
самая дакладная і аператыўная інфармацыя пра жыццё краіны, далёкага і блізкага замежжа;
больш за 100 кінапрэм'ер у новым сезоне, мастацкія фільмы самых розных жанраў і кірункаў, самыя скандальныя і папулярныя тэлесерыялы;
спорт высокіх дасягненняў, трансляцыі найбуйнейшых сусветных форумаў, эксклюзіўнасць спартыўнага прадукту.
Маючы багатыя традыцыі, "Беларусь 1" выкарыстоўвае самыя сучасныя тэхналогіі тэлевытворчасці, працягвае вывучаць, улічваць інтарэсы і запыты сваёй аўдыторыі, робіць усё, каб глядач, штораз уключаючы канал, адзначаў: "Гэта - "Беларусь 1"!

Тэлеканал "Беларусь 2" - пазнавальна-забаўны тэлеканал. "Беларусь 2" - сямейна-забаўны тэлеканал з акцэнтам на моладзевай аўдыторыі. Праграма перадач "Беларусь 2" змяшчае новыя забаўныя шоу і пазнавальныя праграмы, гумарыстычныя серыялы і скетч-шоу, кінапрэм’еры і шэдэўры сусветнага кінематографа, а таксама спорт вышэйшай пробы - Ліга чэмпіёнаў УЕФА, Ліга Еўропы УЕФА.

"Беларусь 2" - інтэрактыўны тэлеканал. Гледачы маюць магчымасць глядзець "Беларусь 2" у рэжыме анлайн і мець зносіны з творчай камандай кожнага праекта з дапамогай сацыяльных сетак, прымаць удзел у стварэнні якаснага кантэнту.


"Беларусь 3" - тэлеканал Нацыянальнай дзяржаўнай тэлерадыёкампаніі Рэспублікі Беларусь, яго мэта - забяспечыць асвятленне дзяржаўнай інфармацыйнай палітыкі ў галіне культурнага жыцця краіны. Місія тэлеканала - пазіцыянаванне культуры як сукупнасці матэрыяльных і інтэлектуальных каштоўнасцяў Рэспублікі Беларусь у сучасным медыяасяроддзі. Галоўная задача - даверная гутарка на тэмы культуры ў шырокім сэнсе слова.

"Беларусь 4" - рэгіянальны тэлеканал, канал з адзінай сеткай вяшчання, які з’яўляецца платформай для ўсіх абласцей краіны пад агульнай назвай "Беларусь 4" і выходзіць у кожнай з іх з указаннем рэгіёна: "Беларусь 4. Магілёў""Беларусь 4. Гомель""Беларусь 4. Віцебск""Беларусь 4. Гродна""Беларусь 4. Брэст"
Ідэя стварэння рэгіянальнага тэлеканала "Беларусь 4" належыць Белтэлерадыёкампаніі і падтрымана Міністэрствам інфармацыі і абласнымі выканкамамі. 

"Беларусь 5" - першы беларускі нацыянальны спартыўны дзяржаўны тэлеканал, які забяспечвае асвятленне дзяржаўнай інфармацыйнай палітыкі ў галіне спартыўнага жыцця Рэспублікі Беларусь. "Беларусь 5" - тэлеканал, які спрыяе фарміраванню здаровага ладу жыцця беларускага грамадства пры дапамозе сучасных медыйных рэсурсаў. Менавіта здаровы лад жыцця з'яўляецца адным з прыярытэтных кірункаў унутранай палітыкі нашай дзяржавы.
Місіяй тэлеканала з'яўляецца фарміраванне нацыянальнай самасвядомасці пры дапамозе прапаганды здаровага ладу жыцця, а таксама дасягненняў айчыннага спорту ў цэлым і асобных яго прадстаўнікоў у прыватнасці. Самыя цікавыя спартыўныя падзеі заўсёды можна ўбачыць на тэлеканале "Беларусь 5". Дырэкцыя спартыўнага тэлеканала "Беларусь 5" працуе для таго, каб спаборніцтвы з сусветных арэн з'явіліся на беларускіх тэлеэкранах.

"Беларусь 24"- гэта першы спадарожнікавы тэлеканал Республікі Беларусь, закліканы адлюстроўваць беларускія і замежныя палітычныя, сацыяльныя і культурныя рэаліі, прапаноўваючы замежным тэлегледачам аб`ектыўную інфармацыю аб найважнейшых падзеях у краіне и свеце. Гэта самыя свежыя навіны, актуальныя тэлепраекты і эксклюзіўны тэлепаказ.

Тэлеканал "НТБ-Беларусь" пачаў сваё вяшчанне 4 ліпеня 2006 г.
"НТБ-Беларусь" у сваім эфіры захоўвае лепшыя і любімыя многімі тэлегледачамі праграмы тэлеканала НТБ, такія як "Да бар'ера!", "Жаночы погляд", "Кватэрнае пытанне", "Прафесія - рэпарцёр", "Галоўны герой", "Рускія сенсацыі" і многія іншыя.
"НТБ-Беларусь" пры падборы фарматаў стараецца максімальна прытрымлівацца канцэпцыі тэлеканала НТБ. У эфіры будуць новыя прэм'ерныя серыялы, класіка сусветнага кіно і новыя прэм'ерныя фільмы.
"НТБ-Беларусь" дзякуючы сучаснаму лічбаваму вяшчальнаму абсталяванню і прафесіяналізму калектыву з годнасцю падтрымлівае ўзровень якасці вяшчання тэлеканала НТБ.

Візітная картка Беларускага радыё - Першы нацыянальны канал. У аснове вяшчальнай палітыкі - масавасць і даступнасць, велізарны аб'ём інфармацыі, аператыўнасць і актуальнасць. Канал вяшчае кругласутачна.
Першы Нацыянальны канал слухаюць больш як 80% насельніцтва краіны. Гэта - самы высокі рэйтынг сярод электронных СМІ.
Быць заўсёды сярод сваіх слухачоў, разам вырашаць важныя праблемы, цікава і з карысцю адпачываць абавязвае дэвіз самага папулярнага народнага радыё - "Будзем разам!".

Адным з прыярытэтаў новай вяшчальнай палітыкі Беларускага радыё з'яўляецца папулярызацыя нацыянальнай і сусветнай культуры. Гэтую задачу сёння паспяхова выконвае канал "Культура".
12 ліпеня 2003 года пачала працаваць новая радыёстанцыя "Радыус FM". Радыёстанцыя працуе для актыўнага насельніцтва краіны. На хвалях "Радыус FM" - сучасная музыка, свежыя навіны і карысная інфармацыя. Папулярныя дыджэі ствараюць добры настрой і дораць падарункі. "Радыус FM" у эфіры кругласутачна на ўсёй тэрыторыі Беларусі. Сайт - radiusfm.by.

Карыстаецца папулярнасцю ў слухачоў і радыёстанцыя "Сталіца". З моманту свайго нараджэння - 21 верасня 1998 года - радыё прытрымліваецца прынцыпу "Радыё "Сталіца" - наша радыё". Радыё "Сталіца" - дзяржаўная беларускамоўная радыёстанцыя, здольная канкурыраваць з дзеючымі недзяржаўнымі радыёстанцыямі. Штодня радыё "Сталіца" суправаджае вас 24 гадзіны на ультракароткіх хвалях - УКХ 72.89 і 105,1 Fm або ў рэжыме рэальнага часу ў Інтэрнэце, а з 18:00 да 19:00 па правадной сетцы (Мінск і Мінская вобласць).

Радыё "Беларусь" з'яўляецца структурным падраздзяленнем Нацыянальнай дзяржаўнай тэлерадыёкампаніі Рэспублікі Беларусь. Нашы пазыўныя на кароткіх хвалях гучаць у міжнародным эфіры з 11 мая 1962 года. На сённяшні дзень радыё вяшчае на 9 мовах. Першапачаткова перадачы былі толькі на беларускай мове, а ў 1998 годзе радыё пачулі на рускай і англійскай мовах. З 2006 года радыё пачало вяшчанне на польскай мове. З 2010 года ў эфір сталі выходзіць праграмы на французскай і іспанскай мовах, а ў 2012 - на кітайскай, з 2017 - на арабскай мове.
Радыё "Беларусь" - гэта крыніца аб'ектыўнай і поўнай інфармацыі пра падзеі ў нашай краіне ў эфіры і Інтэрнэце!

Белтэлерадыёкампанія - гэта структура, якая дынамічна развіваецца і з упэўненасцю глядзіць у будучыню.