"Я - беларуска" на "Еўрабачанні"

05.03.2011
"Культура", 5 сакавіка 2011 г.


Выканаўчы прадзюсар тэлеканала АНТ Анжаліка Мікульская лічыць, што афіцыйны прадстаўнік Беларусі на "Еўрабачанне-2011" Настасся Віннікава ў будучыні на рынку шоу-бізнесу можа стаць адной з прым дзякуючы свайму непаўторнаму голасу.
Па словах самой Настассі, знаёмства якой з журналістамі адбылося днямі ў час прэс-канферэнцыі ў Белдзяржтэлерадыёкампаніі, яна вучылася спевам на харавым аддзяленні музычнай школы, а цяпер атрымлівае вышэйшую адукацыю ў Мінскім дзяржаўным лінгвістычным ўніверсітэце, захапляецца соўлам і джазам. Кампазітар Яўген Алейнік, што напісаў музыку да песні, якую яна выканае на конкурсе, заўважае: "Яе голас - выключнага тэмбру, ён нізкі, аксамітны".
Аўтар слоў песні Віктар Рудэнка адзначыў, што тэкст яшчэ будзе дапрацоўвацца і, хутчэй за ўсё, атрымае назву "Я - беларуска". Магчыма, упершыню на "Еўрабачанні" будзе прадстаўлены праект без удзелу замежных прадзюсараў, і акцэнт праявіца на нацыянальнай адметнасці пастаноўкі. Сёння падрыхтоўкай выканаўцы займаецца тэлеканал АНТ.
Дарэчы, ужо запланаваны яе выступленне ў рамках проматура ў Галандыі.

Алена САБАЛЕЎСКАЯ.