|
|
 |
Конкурс маладых музыкантаў 2010
Беларускі віяланчаліст Іван Карызна выступіў у фінале конкурсу маладых музыкантаў "Еўрабачанне-2010"
У Вене прайшоў 15-ы міжнародны конкурс маладых музыкантаў "Еўрабачанне-2010" (Eurovision Young Musicians), арганізатарам якога з'яўляецца Еўрапейскі Вяшчальны Саюз.
Першым прадстаўніком нашай краіны на класічным "Еўрабачанні" стаў 18-гадовы віяланчаліст Іван Карызна. Стыпендыят Фонду Співакова пакарыў журы і гледачоў бездакорнай віртуознай тэхнікай у спалучэнні з эмацыйнасцю. Іван Карызна выканаў трэцюю частку канцэрта Йозефа Гайдна C-dur для віяланчэлі з аркестрам. Музыкант выйшаў на конкурсную сцэну перад будынкам мэрыі (Венскай ратушай) пятым.
Васемнаццацігадовы музыкант з Беларусі паспяхова прайшоў у фінал конкурсу з ліку 14 прэтэндэнтаў. Па рашэнні журы, узначаленага аўстрыйскім скрыпачом Вернерам Хінкам, фіналістамі сталі прадстаўнікі сямі краін: Харватыі, Нарвегіі, Польшчы, Германіі, Беларусі, Славеніі і Расіі.
Перамагла на конкурсе флейтыстка са Славеніі 16-гадовая Эва-Ніна Козмус, якая выканала п'есу французскага кампазітара Жака Ібера. Другога прыза конкурсу ўдастоена 16-гадовая скрыпачка з Нарвегіі Гура Клевен-Хаген з варыяцыямі на тэмы твораў Пятра Чайкоўскага. Трэцім стаў 19-гадовы піяніст з Расіі Данііл Трыфанаў, які віртуозна выканаў "Вялікі бліскучы паланез" Фрыдэрыка Шапена.
Па задуме арганізатараў і заснавальнікаў, фінальны канцэрт міжнароднага конкурсу маладых музыкантаў "Еўрабачанне-2010" стаў цырымоніяй адкрыцця знакамітага Венскага фестывалю мастацтваў. Акампаніраваў фіналістам конкурсу Сімфанічны аркестр Венскага радыё. Ацэнку выступленням маладых талентаў з сямі краін давала міжнароднае прафесійнае журы на чале з венгерскім кампазітарам Петэрам Этвёшам.
Прамую трансляцыю гэтага канцэрта вечарам 14 мая вёў Першы канал.
|
|
|
|
Беларусь упершыню прыняла ўдзел у класічным "Еўрабачанні".
|
|
уверх
Усе відэматэрыялы
