|
|
 |
| |
|
вытворчасць: Меладрама, Францыя-Вялікабрытанія-Бельгія, 2007 г.
Рэжысёр: Франсуа Азон.
У ролях: Рамола Гараі, Шарлота Рэмплінг, Сэм Ніл, Люсі Расел, Міхаэль Фасбендэр.
|
|
| |
Пра фільм
 Фільм зняты паводле кнігі Элізабэт Тэйлар, што была напісана 50 гадоў таму з рэальнага прататыпа, - Мары Карэлі, ледзь не першай у гісторыі літаратуры "моднай пісьменніцы". Мары была самай вядомай раманісткай у Англіі пачатку XX стагоддзя, любімай пісьменніцай каралевы Вікторыі, а сёння абсалютна забытая. Яе сучаснік - Ван Гог - зусім не быў вядомы пры жыцці. А сёння ён - адзін з самых слынных мастакоў. Гэта тэма адноснасці прызнання ў мастацтве і поспеху мастака, і гэта фільм у тым ліку пра тое, што больш важнае, што лепш для мастака - быць знакамітым пры жыцці або здабыць вядомасць пасля смерці.
Знакаміты французскі майстар Франсуа Азон яшчэ раз даказаў, што можа быць вельмі розным рэжысёрам. У яго кар'еры былі і радыкальныя артхаусныя трылеры ("Крымінальныя палюбоўнікі"), і іранічныя бытавыя камедыі з элементамі аперэты ("Кроплі дажджу на распаленых скалах", "8 жанчын"), і экзістэнцыйныя драмы ("Басейн", "Час развітання", "5x2"). Тым больш нечаканы новы паварот у яго творчасці - біяграфічны фільм аб жыцці пасрэднай, але вельмі самаўпэўненай пісьменніцы Энджэл Дэверэл.
Адна з галоўных заслуг новага фільма Франсуа Азона - гэта глядзельны рад. Прыгажосць віктарыянскай Англіі ўдалося адлюстраваць проста ашаламляльна. У гэтым немалаважная заслуга аператара-пастаноўшчыка Дэніса Ленара.
Фільм - удзельнік конкурснай праграмы Берлінскага міжнароднага кінафестывалю 2007 года. "Анёл" стаў таксама галоўнай кінападзеяй пазаконкурснага паказу Маскоўскага міжнароднага кінафестывалю.
Сюжэт
Англія, пачатак XX стагоддзя. Энджэл Дэверэл, бедная, але чароўная дзяўчына, якая валодае літаратурным талентам, жыве марамі аб славе, поспеху і каханні. Усе лічаць яе фантазёркай і грубіянкай да таго часу, пакуль лонданскі выдавец не ўлюбляецца ці то ў яе талент, ці то ў яе саму і не пачынае выпускаць яе кніжкі. Раптам яе творчасць аказваецца неверагодна запатрабаванай. Крытыкі адварочваюць насы, але чытачам падабаюцца чароўныя гісторыі і абаяльная ў сваіх дрэнных манерах і адсутнасці густу Энджэл. Самой жа Энджэл падабаецца непрызнаны мастак Эсме - прыгажун са шматлікімі комплексамі і ахвотнік да ігральных дамоў. Публікацыя першага опуса дазваляе гераіні выбрацца з правінцыйнай галечы і пасяліцца ў старажытным маёнтку, дзе яна пачынае асвойваць свецкі лад жыцця. Марачы стаць вядомай раманісткай і свецкай ільвіцай, яна бярэ ўрокі ігры на арфе і абстаўляе свой дом вычварнымі карцінамі і скульптурамі. Але пакуль яе шлях уверх па сацыяльнай лесвіцы суправаджаюць самыя недарэчныя памылкі і прыгоды…
Фільм тыдня "Анёл" у суботу, 27 сакавіка, у 21.40 на Першым.
|
|
|
15.15 Навіны рэгіёну. 15.30 Відэафільм АТН "Планета гольфа: ААЭ". 15.55 Містычны дэтэктыў "Бухта страху" (Расія). 2-я серыя.
|
|
Першы канал
"Беларусь-ТБ"
Архіў прэм'ер Першага
уверх
