БЕЛ

РУС

ENG

Блогі

аўторак, 7 лютага 2012 г.

Курсы валют

USD		8370
EUR		10940
RUB		277

Мінск

другi горад

www.tvr.by

Архіў прэм'ер Першага

"Юбілейны гала-канцэрт "Песня года" (паўтор)"

"Навагодні тыдзень (паўтор)"

Прэм'ера на канале

	БУНКЕР

вытворчасць: Гістарычная драма, Германія-Італія-Аўстрыя, 2004 г.
Рэжысёр: Олівер Хіршбігель.
У ролях: Бруна Ганц, Аляксандра Марыя Лара, Карына Харфаўх, Ульрых Матэс, Юліяна Колер, Хайна Ферш, Крысціян Беркель, Матыяс Хабіх, Томас Крэтшман, Андрэ Хеніке, Ганна Талбах.

Пра фільм

У "Бункеры" Гітлер паказаны максімальна аб'ектыўна - рэжысёр Олівер Хіршбігель імкнуўся да псіхалагічнай і гістарычнай дакладнасці. Перад намі Адольф Гітлер, які ў істэрыцы аддае бессэнсоўныя загады падначаленым, якія ўжо ніколі не будуць выкананы.

Здымкі ў бункеры аказаліся няпростымі. У пакоях, пабудаваных для здымак, было горача ад сафітаў, а замкнёныя памяшканні выклікалі ў акцёраў прыступы клаўстрафобіі. Усё гэта стварала псіхалагічнае напружанне, якое адчуваецца ў кадры. "Бункер" атрымаў 15 узнагарод і быў намінаваны на "Оскар" як лепшы замежны фільм. Ён вельмі ўразіў нямецкіх гледачоў. У кожнай сям'і ў Германіі ёсць свая гісторыя, звязаная з вайной і нацызмам. Гэты фільм стаў спробай рэканструяваць падзеі, якія маюць каласальнае значэнне для ўсяго свету, паказаць іх знутры. А завяршае карціну інтэрв'ю з сапраўднай 81-гадовай Траудль Юнге, зробленае незадоўга да яе смерці. "Бункер" стаў адным з самых дарагіх па бюджэце фільмаў, знятых нямецкімі кінематаграфістамі. Здымкі праходзілі ў Берліне, Мюнхене і Санкт-Пецярбургу. Фільм выклікаў вялікі грамадскі рэзананс. На думку крытыкаў, карціна спрыяе працэсу дэміфалагізацыі злавеснага вобраза, які ўсё яшчэ дамінуе ў свядомасці немцаў і з якім не можа параўнацца ніякая іншая фігура ў гісторыі. Бюджэт фільма - 13 мільёнаў 500 тысяч еўра. Каса сусветнага пракату - 92 мільёны долараў.

Сюжэт
22-гадовую Траудль Юнге вязуць з іншымі стэнаграфісткамі да фюрэра. Яна нервуецца і друкуе з памылкамі, але Гітлер бярэ на працу менавіта яе. Праз два гады дзяўчына становіцца яго асабістым сакратаром, і калі Другая сусветная вайна падыходзіць да лагічнага канца, хаваецца разам з набліжанымі Гітлера ў падземным бункеры. У Берліне - поўны хаос, Чырвоная армія за 12 кіламетраў ад горада - зыход вайны прадвызначаны. Да Гітлера прыязджае Ева Браун, а затым і Гебельс з сям'ёй. Дзецям дапамагаюць дарослыя - капсул з цыянідам хопіць на ўсіх…

Узнагароды
Усяго ў фільма 14 узнагарод і 13 намінацый. Сярод іх:
Намінацыя на прэмію "Оскар" у катэгорыі "Лепшы замежны фільм" (ЗША, 2005).
Брытанская Незалежная прэмія "За лепшы замежны фільм" (2005).
3 кінапрэміі Баварыі: за лепшы фільм, лепшую мужчынскую ролю - Бруна Ганц, лепшую працу прадзюсера (Германія, 2005).
Нацыянальная кінапрэмія Нарвегіі за "Лепшы замежны фільм" (2005).
Кінапрэмія Даніі "За лепшы неамерыканскі фільм" (Данія, 2005).

Гістарычная драма "Бункер" у чацвер, 25 лютага, у 0.45 на Першым.