|
|
 |
| |
|
вытворчасць: Авантурная камедыя, Францыя, 2006 г.
Рэжысёр: П'ер Сальвадоры.
У ролях: Адры Тату, Гад Элмале, Мары-Крысцін Адам, Вернон Дабчэф, Жак Спісер, Анеліз Хесме, Шарлота Вермейл, Кладзін Башэт, Ларэн Кларэт, Жан Дэ Канінк.
|
|
| |
Пра фільм
Лёгкая камедыя аб вечнай праблеме выбару паміж каханнем і багаццем знята з сапраўднай французскай лёгкадумнай чароўнасцю. У гэтым фільме, дзеянне якога разгортваецца ў інтэр'ерах фешэнебельных рэстаранаў і раскошных атэляў, героі знаходлівыя, дасціпныя і вынаходлівыя. Яны ніколі не пасуюць перад цяжкасцямі і заўсёды знаходзяць элегантнае выйсце з самага далікатнага становішча.
Абаяльная Адры Тату здолела пераканаўча пераўвасобіцца са звыклага для гледача вобраза рамантычнай гераіні ў стрыманую і асцярожную паляўнічую на мужчын. Яе партнёр па фільме, папулярны ў Францыі комік Гад Эльмале, выйгрышна глядзіцца як у камедыйных эпізодах, так і ў амплуа героя-палюбоўніка. Разам яны складаюць годны і сапраўды бліскучы дуэт.
Сюжэт
Багацце - вось мэта чароўнай авантурніцы Ірэн, якая прыбыла на Блакітны Бераг з немаладым, але вельмі заможным спадарожнікам. Ірэн марыць выйсці за яго замуж і назаўжды забыць аб грашовых цяжкасцях. Але яе планам не наканавана спраўдзіцца, і віной таму - раптоўнае захапленне Ірэн незнаёмцам, прынятым ёю за аднаго з мільянераў. Насамрэч, цікавы малады чалавек па імені Жан аказваецца ўсяго толькі сціплым служачым атэля. Непаразуменне неўзабаве выяўляецца, і Ірэн адразу ж кідае няўдачлівага палюбоўніка. А той, ужо пакораны прыгажосцю дзяўчыны, ідзе на любыя выкруты і афёры, каб толькі вярнуць каханую. Спачатку ён спрабуе адпавядаць запытам дзяўчыны - водзіць яе па дарагіх рэстаранах, корміць ікрой і купляе дызайнерскія ўборы, аднак яго зберажэнні хутка заканчваюцца, і ад роспачы Жан прымае прапанову суправаджаць немаладую, але надзвычай забяспечаную даму. Новы статус збліжае яго з Ірэн, якая ўрэшце зміраецца з прысутнасцю Жана. Яна дапамагае Жану парадай, і, сама таго не ўсведамляючы, пачынае ўсё больш і больш прывязвацца да яго і нават раўнаваць…
"Фатальная прыгажуня" ў нядзелю, 31 студзеня ў 22.10 на Першым.
|
|
|
15.40 Каробка перадач. 16.10 Эпоха. Падзеі і людзі. 16.55 Меладраматычны серыял "Маруся" (Украіна).
Серыял "За ўсё табе дзякую - 2"
(Расія-Украіна, 2006 г.)
Лёс па-ранейшаму не песціць Аню Цярохіну. Яна выйшла замуж за Антона, і, здавалася б, можа, нарэшце, быць шчаслівая. Але Антона абвінавачваюць у забойстве, сына Ані ліхадзейка Вераніка аддае ў дзіцячы дом, а сама Аня трапляе ў псіхіятрычную клініку, выхаду з якой няма.
Рэжысёр - В.Шалыга. У ролях: Н.Салдатава, Д.Белых, А.Масалёў, А.Пяркоў, А.Кандулайнен, Л.Прыгуноў, Н.Граноўская, А.Жуковін, А.Журакоўская, А.Ігнатуша. |
|
|
Архіў прэм'ер Першага
уверх
