Самы маштабны праект Агенцтва тэленавінаў - "Зямля беларуская". У эфір Першага выйшлі 42 дакументальныя фільмы, яшчэ плануецца 76 непаўторных гісторый, якія апісваюць самыя цікавыя і прыгожыя мясціны нашай Радзімы. Гэта спроба ўбачыць рэчаіснасць праз мінулае беларускай зямлі. Незвычайныя легенды і старажытныя паданні, сярэдневяковыя замкі і ахутаныя таямніцай руіны, язычаскія абрады і праваслаўныя храмы, багацце і непаўторнасць беларускай прыроды - усё гэта ў дакументальным цыкле "Зямля беларуская". У праекце задзейнічана самая сучасная тэлевізійная тэхніка, а таксама асвятленне і гукаафармленне.
Ток-шоу "Ход у адказ" - аўтарская праграма Аляксандра Мартыненкі. Галоўная задача - паглядзець на праблему з розных бакоў і паспрабаваць знайсці правільнае рашэнне. "Ход у адказ" узнімае злабадзённыя тэмы, якія абумоўліваюць яго высокі рэйтынг у тэлегледачоў. Запрошаныя эксперты і госці ў студыі актыўна і вельмі эмацыянальна адстойваюць свае, абсалютна процілеглыя, пункты гледжання. Тут кожны мае права выказаць сваё меркаванне.
Праект "Зорныя танцы" дэбютаваў на Першым у пачатку гэтага года. 18 кастрычніка ён стартаваў у новым фармаце - "Зорныя танцы. Жаночы сезон". Прадстаўніцы прыгожага полу і мужчыны - прафесійныя спартсмены выходзяць на паркет, каб падарыць гледачам радасць і прыгажосць сапраўдных бальных танцаў. Лепшыя з лепшых змагаюцца за званне пераможцаў праекта. Гэта самае прыгожае, фантастычна яркае, цікавае і займальнае шоу! Толькі на Першым кожную нядзелю ў 22.10.
Імкненне да ўдасканалення зброі служыла і служыць стымулам для развіцця навукі і ўсяго тэхнічнага прагрэсу. У працэсе стварэння яе найноўшых узораў здзяйсняліся і здзяйсняюцца найвялікшыя адкрыцці. Зброя стала аб'ектам культуры, мастацтва.
Хто сказаў, што раніца - цяжкі час сутак? Раніца павінна быць добрай! Менавіта таму новы дзень лепш за ўсё пачынаць разам з перадачай "Добрай раніцы, Беларусь!".
Першае ў Беларусі жаночае ток-шоу прысвечана самым звычайным праблемам, з якімі жанчыны сутыкаюцца штодня: выхаванне дзяцей, пытанні здароўя, няроўны шлюб, пошук каханага чалавека, адаптацыя пажылых людзей да жыцця ў імкліва зменлівым свеце, вяртанне да жыцця пасля аварыі, рэўнасць і г.д.
"Шпілька" - тэлевізійны часопіс для жанчын, з якога можна даведацца абсалютна пра ўсё, што можа цікавіць жанчыну. Жанчыну, якая не толькі займаецца хатняй гаспадаркай, але і запатрабаваная ў іншых галінах жыцця. Пагартаўшы старонкі тэлечасопіса, яна можа даведацца пра апошнія навіны шоу-бізнесу, навіны моды, усё пра тое, як змяніць імідж, упрыгожыць дом і змяніць уласную знешнасць...
"Off stage life" - устойлівае словазлучэнне, якое выкарыстоўваецца адносна публічных людзей і азначае "жыццё па-за публічным жыццём, жыццё за рамкамі сцэны". Гэтая тэма заўсёды цікава шырокаму колу гледачоў.
Штотыдзень кожную нядзелю вядучая і карэспандэнты перадачы расказваюць аб найбольш цікавых падзеях у свеце арта і навінах беларускай і сусветнай шоу-індустрыі.
Кожную суботу пасля "Панарамы" і фільма тыдня на Першым канале выходзіць праект "Уласнай персонай". Яго вядучая сустракаецца з зоркамі кіно, тэатра, вядомымі музыкантамі, спартсменамі, пісьменнікамі і палітыкамі, імкнучыся зрабіць кожную гутарку з гасцямі займальнай і напружанай. Дыялог у эфіры часта нагадвае слоўную дуэль - вострую, іранічную, часам камічную, але і прынцыповую.
Вядучая Іра Клёнвва з уласцівымі ёй пазітыўнай энергетыкай і аптымістычным поглядам на жыццё запрашае паглядзець лепшыя відэакліпы, паслухаць любімыя песні і крыху цікавай інфармацыі з усяго свету. Перадача "Ранішняя хваля" - зарад добрага настрою суботняй раніцы.
Мы ўсе імкнёмся да здароўя, але кожнаму хочацца, каб шлях да яго быў лёгкім і няцяжкім. Насамрэч такога шляху няма. Прафілактыка любога захворвання прадугледжвае самадысцыпліну, мэтанакіраванасць і настойлівасць.
Дакументальны праект Алега Лукашэвіча "Эпоха" маштабна прапануе біяграфіі прызнаных і ўшанаваных асоб - выхадцаў з Беларусі.
Аўтары перадачы знаёмяць тэлегледачоў з гісторыяй і філасофіяй хрысціянства, распавядаюць аб рэлігійных святах, падарожнічаюць па храмах і святых месцах Беларусі. Перадача сцвярджае хрысціянскія ідэалы любові да блізкага, памяркоўнасці, служэння Бацькаўшчыне, дабрадзейнага жыцця.
Узаемадзеянне грамадства і прыроды - адна з вострых праблем сучаснасці. Усеўладдзе чалавека прыносіць горкі плён: у вялізных аб'ёмах выпампоўваюцца прыродныя рэсурсы, у паветра выкідваецца каласальная колькасць хімічных ядаў, дзеля імгненнай выгады высякаюцца лясы, знішчаюцца шматлікія віды раслін і жывёлін.
Галоўны прынцып перадачы "Алімпійскі часопіс" - спорт павінен быць цікавым. "Алімпійскі часопіс" сочыць за падрыхтоўкай беларускіх спартсменаў і арганізатараў да зімовых Алімпійскіх гульняў - 2010 у Ванкуверы ў рэжыме рэальнага часу. Мы гэтак жа прыгадваем самыя яркія і неадназначныя моманты мінулых Алімпіяд. Цікавыя факты і навіны са свету спорту. Героі і эксперты перадачы - знакамітыя спартсмены і трэнеры.
Добры футбол - само па сабе выдатнае відовішча. Але ў нашай праграме футбол ператвараецца ў сучаснае шоу. У "Відэачасопісе Лігі чэмпіёнаў" можна знайсці ўсё, што павінен ведаць сапраўдны прыхільнік гульні нумар 1: агляды матчаў, інтэрв'ю з футбалістамі і трэнерамі, прагнозы спецыялістаў, навіны еўрапейскага футбола.
14 лютага 22:05
Першы канал
"Беларусь-ТБ"
Перадачы
уверх
