Дзіцячае "Еўрабачанне 2017"

У Белтэлерадыёкампаніі прайшла жараб'ёўка фіналістаў нацыянальнага адбору на дзіцячае "Еўрабачанне-2017". Сёлета канкурсантаў 10 - 8 салістаў, 1 квартэт і 1 дуэт. Удзельнікі цягнулі жэрабя па алфавіце. Спецыяльна для цырымоніі арганізатары зрабілі фанты ў форме круга з лагатыпам "Еўрабачання" гэтага года.

Па выніках жараб'ёўкі канкурсанты выйдуць на сцэну ў наступным парадку:

1. Хелена Мерааі (Мінск);

2. Анастасія Цімафеевіч (Брэст);

3. Руслана Панчышына (Мінск);

4. Эліна Матарас (Мінск);

5. Яраслаў Саколікаў (Мінск);

6. Стафанія Сакалова (Мінск);

7. Дуэт Арыны Пехцеравай і Анастасіі Дзмітрачковай (Магілёў);

8. Квартэт Нацыянальнага цэнтра дзіцячай творчасці імя У. Мулявіна: Максім Цупрыкаў, Ангеліна Ламака, Стафанія Круглая і Стафанія Сакалова (Мінск);

9. Марыя Жыліна (Мінск);

10. Анастасія Жабко (Мінск).

Менавіта ў гэтай паслядоўнасці вакалісты будуць выступаць на фінальным шоу, яно пройдзе 25 жніўня. Нацыянальны адбор будуць трансляваць тэлеканалы "Беларусь 1" і "Беларусь 24".

Здымкі відэавізітовак каманда Белтэлерадыёкампаніі пачне ў першы тыдзень жніўня. Ролік будзе папярэднічаць выступленню фіналістаў на гала-канцэрце. Удзельнікам паказалі і праект афармлення сцэны. Маштабныя дэкарацыі з гіганцкімі экранамі ўсталююць у студыі "600 метраў".


Вызначаныя фіналісты нацыянальнага адборачнага тура дзіцячага конкурсу песні "Еўрабачанне-2017"

 

logo-euro2017.jpg

7 ліпеня стаў вядомы склад удзельнікаў фіналу нацыянальнага адборачнага тура дзіцячага конкурсу песні "Еўрабачанне-2017". Дзясятку фіналістаў па выніках праслухоўвання выбрала прафесійнае журы.

У склад прафесійнага журы ўваходзілі: кампазітар, народны артыст Беларусі, першы намеснік старшыні праўлення грамадскага аб'яднання "Беларускі саюз кампазітараў" Эдуард Зарыцкі (старшыня журы), намеснік галоўнага дырэктара тэлеканала "Беларусь 1" Вольга Саламаха, кампазітар, аранжыроўшчык Генадзь Маркевіч, спявак, афіцыйны прадстаўнік Беларусі на міжнародным конкурсе песні "Еўрабачанне-2015" Юзары, папулярная спявачка Іскуі Абалян, кансультант аддзела прафесійнага мастацтва ўпраўлення мастацтваў Міністэрства культуры Рэспублікі Беларусь Таццяна Пархамовіч, піяр-менеджар Сяргей Андрыянаў.

Нагадаем, арганізатары дапусцілі да праслухоўвання ўсіх прэтэндэнтаў, чые заяўкі былі аформленыя ў адпаведнасці з патрабаваннямі, паказанымі ў палажэнні, а гэта 45 удзельнікаў, з якіх 37 - сольныя выканаўцы і 8 - вакальныя групы.

Праслухоўванне праходзіла на самай вялікай тэлевізійнай пляцоўцы медыяхолдынга - у студыі "600 метраў".

Па выніках праслухоўвання фіналістамі адборачнага тура сталі:

  1. Руслана Панчышына (Мінск),
  2. Хелена Мерааі (Мінск),
  3. Стэфанія Сакалова (Мінск),
  4. Анастасія Жабко (Мінск),
  5. Квартэт Нацыянальнага цэнтра дзіцячай творчасці імя У. Мулявіна: Максім Цупрыкаў, Ангеліна Ламака, Стэфанія Круглая і Стэфанія Сакалова (Мінск),
  6. Марыя Жыліна (Мінск),
  7. Дуэт Арыны Пехцеравай і Анастасіі Дзмітрачковай (Магілёў),
  8. Яраслаў Саколікаў (Мінск),
  9. Анастасія Цімафеевіч (Брэст),
  10. Эліна Матарас (Мінск).

Фінальнае шоу у форме гала-канцэрта ў прамым эфіры на тэлеканалах "Беларусь 1" і "Беларусь 24" адбудзецца не пазней за 16 верасня.

Пераможца нацыянальнага адборачнага тура прадставіць Беларусь на дзіцячым "Еўрабачанні-2017" 26 лістапада ў Тбілісі (Грузія).

Усе правы, якія адносяцца да правядзення адбору, належаць выключна арганізатару - Белтэлерадыёкампаніі. Эксклюзіўным вяшчальнікам як нацыянальнага адборачнага тура, так і міжнароднага дзіцячага конкурсу песні "Еўрабачанне-2017" традыцыйна выступае тэлеканал "Беларусь 1".