Канал "Культура" Беларускага радыё выбіраюць слухачы, якія цікавяцца нацыянальнымі і сусветнымі культурнымі здабыткамі і сучаснымі падзеямі ў свеце мастацтва.
Канал пачаў вяшчанне 1 студзеня 2002 года і адразу вылучыўся са шматгалосся эфірнай радыёпрасторы. Увесь гэты час "Культура" застаецца вернай свайму канцэптуальнаму дэвізу: "Мы выбіраем вечныя каштоўнасці". Толькі на яе хвалі можна паслухаць оперу, канцэрт акадэмічнай музыкі, радыёспектакль, дыскусію вядомых творчых асоб на культуралагічныя тэмы.
А яшчэ - штодзённы дзіцячы канал "Мэры Попінс" і штодзённыя праекты для меламанаў "Канцэртная зала" і "Еўропа музычная", якія транслююць канцэрты з усяго свету. Служба інфармацыі канала адсочвае самыя цікавыя навіны свету культуры нашай краіны і замежжа.
Гучыць канал штодзённа з 6 раніцы да 2-х ночы ў FM-дыяпазоне. На сярэдніх хвалях "Культуру" можна слухаць з 18-ці да 24-х гадзін, на ультракароткай частаце з 6-ці гадзін раніцы да поўначы.
Аднадумцаў чакаем на каардынатах: на сярэдняй частаце - 1125 кГц, на ультракароткай хвалі - 70,4 МГц і 102,9 МГц - у FM-дыяпазоне.
Радыё 1
Канал "Культура"
уверх
