Умовы размяшчэння SMS-паведамленняў у эфіры Першага нацыянальнага канала Беларускага радыё:

Паведамленні прымаюцца з мабільных тэлефонаў аператараў GSM VELCOM, МТС, LIFE:).

Для таго каб прыняць удзел у інтэрактыве, неабходна адправіць SMS-паведамленне, напісанае кірыліцай або ў транслітарацыі, на кароткі нумар 1062. У адказ абанент атрымае SMS-апавяшчэнне, што яго паведамленне прынята да апрацоўкі.

Кошт аднаго SMS-паведамлення (без уліку падаткаў) на нумар 1062:
МТС, Velcom, lifе:) - 3500 рублёў.

Увага!
Калі адно SMS-паведамленне ўтрымлівае больш чым 160 знакаў у транслітарацыі і/або больш чым 70 знакаў у кірыліцы, то яно будзе аўтаматычна разбіта на некалькі SMS-паведамленняў, кожнае з якіх тарыфікуецца асобна.

Правілы фарміравання SMS-паведамлення:

• Да публікацыі прымаюцца аб'явы, тэкст якіх не супярэчыць патрабаванням заканадаўства Рэспублікі Беларусь.
• Прымаюцца аб'явы толькі прыватнага характару, якія не змяшчаюць інфармацыі, што служыць забеспячэннем пастаяннага або часовага бізнесу.
• Паведамленне можа быць не апублікавана, калі яно не адпавядае Правілам фарміравання паведамленняў. Пры гэтым паслуга лічыцца аказанай, і сродкі спісваюцца з рахунку абанента.

Тарыфікуюцца, але да эфіру не дапускаюцца SMS-паведамленні:

• якія змяшчаюць абразлівыя выказванні ў адрас Прэзідэнта Рэспублікі Беларусь, органаў дзяржаўнага кіравання;
• якія супярэчаць агульнапрынятым нормам этыкі і маралі;
• якія ўтрымліваюць прапаганду вайны і насілля;
• якія заклікаюць да захопу ўлады, гвалтоўнай змены канстытуцыйнага ладу, парушэння тэрытарыяльнай цэласнасці рэспублікі;
• якія змяшчаюць звесткі, якія ўяўляюць дзяржаўную тайну;
• якія заклікаюць да дзеянняў, што караюцца ў крымінальным парадку;
• якія распаўсюджваюць інфармацыю ад імя палітычных партый або іншых грамадскіх аб'яднанняў;
• якія змяшчаюць камерцыйную інфармацыю арганізацый і прыватных прадпрымальнікаў;
• якія змяшчаюць прапановы паслуг, куплі-продажу;
• якія змяшчаюць матэрыялы судовай вытворчасці, дазнання, папярэдняга следства і судовых спраў, а таксама матэрыялы, атрыманыя ў выніку правядзення аператыўна-вышуковай дзейнасці;
• якія не адпавядаюць літаратурным нормам дзяржаўных моў Рэспублікі Беларусь, якія маюць двухсэнсоўны змест, уніжальны падтэкст, непрыстойныя намёкі;
• якія змяшчаюць нецэнзурныя выразы, слэнг, жарганізмы, дыялектызмы і іншыя;
• з указаннем нумара тэлефона, што адрозніваецца ад нумара, з якога было адпраўлена паведамленне.

Увага! У выпадку неадпаведнасці правілам паведамленне не будзе агучана ў эфіры, аднак кошт SMS-запыту будзе спісаны, згодна з тарыфамі для дадзенай паслугі.

Факт адпраўлення абанентам SMS-паведамлення на нумар 1062 сведчыць пра яго згоду з тарыфамі, умовамі і правіламі.

АПІСАННЕ
праграм Першага нацыянальнага канала Беларускага радыё з выкарыстаннем інтэрактыўных SMS-паслуг

Назва	Змест	Перыядычнасць і час эфіру
"Пасля поўначы"	Музычна-пазнавальная перадача. Ёсць рубрыка прывітанняў і віншаванняў.	Штодня, 00.10-03.00
"Ранак з Беларускім радыё"	Інфармацыйна-музычная перадача.	Панядзелак-пятніца, 10.15-10.35
"Радыё.BY"	Інтэрактыўная перадача па электронных пісьмах і SMS.	Серада, 10.15-10.35
"Сямейнае радыё. Для тых, хто дома"	Перадача аб праблемах сям'і, ахове мацярынства і дзяцінства. Парады псіхолагаў, педагогаў, медыкаў.	Панядзелак-пятніца, 11.10-11.40 Субота, нядзеля 11.00-11.40
"Актуальны мікрафон"	Грамадска-палітычная перадача ("круглы стол") з удзелам спецыялістаў міністэрстваў і ведамстваў, кіраўнікоў прадпрыемстваў і арганізацый.	Панядзелак-пятніца, 17.15-17.30, 23.20-23.35
"SMS -эфір"	Інтэрактыўная праграма прывітанняў і віншаванняў.	Штодня, 14.00-15.00
"Музычны алімп"	Інфармацыйна-музычная перадача з удзелам зорак эстрады.	Субота, 12.35-13.30
"Адкрытая пляцоўка"	Маладзёжная інфармацыйна-музычная перадача.	Панядзелак-пятніца, 15.15-15.55
"Добры дзень!"	Інфармацыйна-музычная перадача. Ёсць рубрыка прывітанняў і віншаванняў.	Панядзелак-пятніца, 13.05-13.55
"Армейская пошта"	Тэматычная віншавальная перадача па заяўках.	Нядзеля, 16.00-17.00
"Вітаем, віншуем, жадаем!"	Віншавальная перадача.	Панядзелак-пятніца, 20.00-20.50 Субота, нядзеля, 19.35-20.50

• SMS-паведамленні прымаюцца і апрацоўваюцца толькі падчас гучання радыёперадачы ў прамым эфіры, калі іншае не абумоўліваецца вядучым. Папярэднія заяўкі не разглядаюцца.
• Вядучы прамога эфіру мае права рэдагаваць паведамленні.
• Паслуга "заказ песні" аказваецца па прынцыпе чарговасці пры ўмове наяўнасці заказанага твора ў плэй-лісце.

ПАЛАЖЭННЕ АБ SMS-віктарыне "Правер сябе"

Слухайце Першы нацыянальны канал Беларускага радыё кругласутачна ў FM-дыяпазоне па ўсёй краіне: на 106,2 - у Мінску, 105,9 - у Магілёве, 105,1 - у Гомелі, 103,0 - у Гродне, 100,5 - у Віцебску, 100,0 - у Брэсце, а таксама ў рэжыме рэальнага часу ў Інтэрнеце на афіцыйным сайце Белтэлерадыёкампаніі.