Грамадства

Спампаваць

11 Студзеня 2017 19:12

Часовая непрацаздольнасць будзе ўлічвацца падатковай

Паліклінікі будуць перадаваць у падатковую звесткі аб беспрацоўных пацыентах толькі з іх пісьмовай згоды. Пра гэта паведамляюць у Міністэрстве аховы здароўя.

Гаворка ідзе аб рэалізацыі дэкрэта па папярэджанні сацыяльнага ўтрыманства. Асноўны сэнс новаўвядзення - выключыць выпадкі, калі патрабаванні заплаціць збор прыходзяць людзям, якія летась перанеслі цяжкія захворванні, а таксама жанчынам, якія знаходзяцца пад назіраннем падчас цяжарнасці або родаў. Такім грамадзянам дадуць выпіскі з асабістай карты, дзе будзе паказаны канкрэтны перыяд аказання дапамогі. Дыягназ не патрэбен. Гэта захоўвае ўрачэбную таямніцу. Калі пацыент пацвердзіць звесткі пісьмовай згодай, то арыгінал прыкладуць да запыту падатковай.

Алена Богдан, начальнік галоўнага ўпраўлення Міністэрства аховы здароўя Беларусі: "Ёсць у нас пэўная інструкцыя, якая ўстанаўлівае сярэднія тэрміны непрацаздольнасці. Пацыенту будзе выдадзена на рукі выпіска з медыцынскіх дакументаў. Узоры заключэнняў, якія могуць быць дадзены пацыенту на рукі пры яго лячэнні ў амбулаторных умовах, яны паказаны на сайце Міністэрства аховы здароўя. Там ёсць тры ўзоры. Яны з'яўляюцца заключэннем для падатковых органаў аб часовай непрацаздольнасці насельніцтва".

З ініцыятывай прызнання хвароб перыядам часовай непрацаздольнасці і, адпаведна, улічваць гэты тэрмін пры налічэнні падатку выступіла Міністэрства па падатках і зборах Беларусі.

 

Iншыя навіны

Кино и мода Кіно і мода 27.06.2017 08:08 / Грамадства Кіно і мода
В Беларусь идет жара  У Беларусь ідзе спякота  27.06.2017 07:14 / Грамадства У Беларусь ідзе спякота
Пешая пилигримка в Будслав  Пешая пілігрымка ў Будслаў  26.06.2017 18:43 / Грамадства Пешая пілігрымка ў Будслаў
Прогноз погоды на 27 июня Прагноз надвор'я на 27 чэрвеня 26.06.2017 15:43 / Грамадства Прагноз надвор'я на 27 чэрвеня