Рэйтынг тэлеканалаў у Беларусі строіцца выключна на даверы гледача

19 июля 2017

Аб гэтым сёння на сустрэчы з калектывам сталічнага Камароўскага рынку гаварыў Старшыня Белтэлерадыёкампаніі. Генадзь Давыдзька асабліва адзначыў, што Камароўка доўгія гады застаецца люстэркам грамадства. А меркаванне патэнцыйнай аўдыторыі - гэта ключавая ўмова фарміравання палітыкі тэлеканалаў. Каб быць бліжэй да гледача, важна ўлічваць яго жаданні. Сёння Генадзь Давыдзька не толькі знаёміў калектыў рынку з тэлекухняй, але і наведаў павільёны Камароўкі. У найбліжэйшыя гады рынак чакае абнаўленне. Чакаецца, што перш за ўсё тут правядуць шкленне яго крытай часткі.

Генадзь Давыдзька, Старшыня Белтэлерадыёкампаніі: "Самы галоўны капітал, які ёсць у любога сродку масавай інфармацыі, - гэта давер людзей. Я хачу ведаць, што хочуць людзі ад тэлебачання. Мы знаходзімся напярэдадні новага тэлевізійнага і радыёсезона. Рынак - гэта тое месца, дзе людзі ведаюць усё. Тут пераварваюцца асноўныя меркаванні наконт усяго, што адбываецца, тут змешванне густаў і рэзюмэ, якое выводзяць наконт той або іншай праграмы, таго або іншага СМІ. Камароўка - самае сумленнае месца ў горадзе. Таму тут вельмі цікава ведаць, што думаюць людзі наконт нашай прадукцыі. Чаго яны хочуць, чаго ім не хапае, нейкія пажаданні напярэдадні новага сезона. Вось гэта вельмі важна".

Сёння Камароўка захоўвае статус галоўнага харчовага рынку краіны. Штодня сюды прыязджаюць ад 30 да 70 тысяч пакупнікоў. Як адзначылі ў кіраўніцтве раёна, больш запатрабаванага фармату гандлю сёння няма.