Эканоміка

Спампаваць

20 Красавіка 2017 19:13

Беларускія навукоўцы плануюць умацоўваць навукаёмісты менеджмент

Не проста ствараць, але і прадаваць. Беларускія навукоўцы плануюць умацоўваць навукаёмісты менеджмент. У першую чаргу гэта трэба для таго, каб кожны праект у поўнай меры працаваў на эканоміку краіны. Пра гэта сёння заявілі на форуме ў прэзідыуме Акадэміі навук. Навукоўцы абмеркавалі задачы, якія паставіў перад імі Кіраўнік дзяржавы падчас нядаўняй сустрэчы.

Уладзімір Гусакоў, старшыня прэзідыума НАН Беларусі: "Вядома, мы ставім задачу павышэння эфектыўнасці. Гэта пастаянная задача. Але апошнія гады навука ў цэлым і Акадэмія навук ажыццяўляе прарыў па шэрагу кірункаў у галіне машынабудавання, біятэхналогій, медыцыны. Тое, аб чым раней можна было толькі марыць".

Таксама на форуме анансавалі галоўныя навуковыя падзеі і праекты гэтага года - Года навукі. Летам нашы навукоўцы плануюць прэзентаваць электракар. Яшчэ адно дасягненне - стварэнне персанальнага суперкамп’ютара - памеры мінімальныя, а магчымасці максімальныя. Яго магутнасць сто мільёнаў аперацый за секунду, а таксама высокаёмісты назапашвальнік энергіі. Падзеяй гэтага года стала і рэгістрацыя двух медпрэпаратаў для лячэння дзіцячай лейкеміі.

 

Iншыя навіны