Дзіцячае Еўрабачанне 2007 » Праекты » Белтэлерадыекампанiя

Аляксей Жыгалковіч нарадзіўся 18 красавіка 1996 года ў Мінску.

Бацька: Жыгалковіч Аляксандр Станіслававіч, 1972 г.н., урач-кардыяхірург, кандыдат медыцынскіх навук. Скончыў з адзнакай мінскую школу №3 з музычным ухілам па класе акардэона, 8 гадоў быў салістам у хоры.

Маці: Жыгалковіч Святлана Іванаўна, 1972 г.н., урач акушэр-гінеколаг, выкладчыца ў медыцынскім каледжы. Скончыла з адзнакай музычную школу ў Калінкавічах па класе скрыпкі.

Сястра: Жыгалковіч Кацярына Аляксандраўна, 2001 г.н., займаецца танцамі.

Аляксей пачаў спяваць у 5 гадоў. У 6 гадоў паступіў у Школу мастацтваў г.Мінска на аддзяленне фартэпіяна. Урокі эстрадных спеваў атрымліваў у вядомых беларускіх выканаўцаў: Вольгі Уронскай, Нэлі Душчынскай, Пятра Ялфімава. З 10 гадоў удзельнічае ў спектаклях у Дзяржаўным музычным тэатры. З'яўляецца ўдзельнікам дзіцячага вакальнага ансамбля "Верасяты" пры Маладзёжным тэатры эстрады.

У агульнаадукацыйнай школе №161 вучыцца на "выдатна", любімыя прадметы - маляванне, матэматыка, прыродазнаўства, любімая кніга - "Гары Потэр".

Хобі: музыка, кнігі, гульня ў більярд, футбол.

У 9 гадоў стаў пісаць песні. Аляксей - лаўрэат міжнародных конкурсаў "Залаты Цэхін" (Італія, 2005), "Славянскі базар у Віцебску-2006" (Беларусь), "Мы ХХ1-ы" (Балгарыя, 2007).

Лічыць "Еўрабачанне" самым папулярным конкурсам, дзе можна праявіць сябе і праславіць сваю краіну.

Афіцыйны сайт дзіцячага конкурсу песні "Еўрабачанне-2007" www.junioreurovision.tv