ЕВС падзякаваў Белтэлерадыёкампаніі за выдатную арганізацыю дзіцячага "Еўрабачання-2010"

Белтэлерадыёкампанія ўвайшла ў лік пераможцаў 10-га Нацыянальнага конкурсу "Брэнд года 2010" і ўдастоеная самай аўтарытэтнай айчыннай узнагароды ў галіне брэндынгу - залатога медаля і дыплома пераможца ў прафесійнай намінацыі конкурсу "Культура і мастацтва".
Белтэлерадыёкампанія з брэндам "Дзіцячы конкурс песні "Еўрабачанне-2010" уваходзіла ў лік 43 удзельнікаў, якія падалі заяўкі на прафесійныя намінацыі, што меркавала стварэнне прафесійнага брэнд-пакета. Лепшых сярод намінантаў вызначыла міжнароднае журы на аснове ацэнак прафесійных пакетаў прэзентацыі брэндаў. На думку генеральнага дырэктара, кіраўнічага партнёра кампаніі Advanter Group (Кіеў, Украіна) Андрэя Длігача, конкурс кожны год задае высокую планку, якая дазваляе не столькі ацаніць развіццё маркетынгу ў Беларусі, колькі паказаць кірунак для яго ўзмацнення.
Заслужаная ўзнагарода Белтэлерадыёкампаніі - золата ў прафесійнай намінацыі - сведчыць аб той высокай ацэнцы, якую спецыялісты з розных краін, што ўваходзілі ў Міжнароднае прафесійнае журы конкурсу, далі стратэгіі і пазіцыянаванню, а таксама індывідуальнасці вобразу, комплексу маркетынгавых камунікацый і папулярызацыі брэнда "Дзіцячы конкурс песні "Еўрабачанне-2010".
Нагадаем, што "Брэнд года" - прафесійны конкурс, які праводзіцца па міжнародных стандартах EFFIE і праходзіць акрэдытацыю гэтай арганізацыі. "Брэнд года" дазваляе вывучыць дынаміку спажывецкіх паводзін на айчынным рынку, спрыяе развіццю і ўмацаванню беларускіх брэндаў.
Варта адзначыць, што тэле- і радыёканалы Белтэлерадыёкампаніі неаднаразова прымалі ўдзел у "Брэндзе года" і ўдастойваліся ўзнагарод конкурсу.

ЕВС падзякаваў Белтэлерадыёкампаніі за выдатную арганізацыю дзіцячага "Еўрабачання-2010"

У лісце, накіраваным на адрас Белтэлерадыёкампаніі, выканаўчы прадзюсар дзіцячага конкурсу песні "Еўрабачанне" Свантэ Стакселіус і в.а. дырэктара дэпартамента тэлебачання ЕВС Ёрген Франк ад імя Старшыні Выканаўчага камітэта дзіцячага "Еўрабачання" Стыва Дэ Каніка-Дэ Бука і генеральнага дырэктара ЕВС Інгрыд Дэльтанр выказалі падзяку за першакласнае шоу і плённае супрацоўніцтва і адзначылі выдатную арганізацыю конкурсу.

"Шоу было ва ўсіх адносінах фантастычным, арганізацыя - цудоўнай. Мы бачылі, што ў дзяцей было сапраўднае свята, вы вельмі добра клапаціліся пра іх на працягу ўсяго тыдня. Выдатна, што ў шоу праспявалі ўсе пераможцы папярэдніх конкурсаў, і ваша супрацоўніцтва з ЮНІСЕФ было творчым і прафесійным", - падкрэсліваецца ў лісце.

Прадстаўнікі ЕВС таксама з задавальненнем адзначылі надзвычай высокую грамадскую цікавасць да конкурсу, цудоўны дызайн і афармленне сцэны, выдатных вядучых, бездакорную аператарскую працу, вельмі добрае агульнае забеспячэнне і тэлевытворчасць.

У лісце таксама гаворыцца: "Мы разумеем усю грандыёзнасць і складанасць задачы па арганізацыі такога мерапрыемства і віншуем вас з поспехам у нашай сумеснай працы. Дзякуем усёй вашай высокапрафесійнай і дружалюбнай камандзе!".

Самая вялікая сцэна ў гісторыі "Еўрабачання", неверагодныя святло і музыка, грандыёзныя дэкарацыі - сведкамі яркага шоу ў Мінску сталі 40 тысяч гледачоў і дзясяткі мільёнаў тэлегледачоў. Еўрапейскі Вяшчальны Саюз назваў дзіцячае "Еўрабачанне-2010" адным з лепшых за гісторыю конкурсу. Задаволенымі засталіся і прадстаўнікі дэлегацый краін-удзельніц. Асабліва Арменіі, бо яны вязуць галоўны прыз - перамогу ў папулярным шоу. Блізкая еўрапейскай публіцы аказалася і кампазіцыя беларуса. "Музыкі святло" Данііла Казлова - у пяцёрцы лепшых песень.

З падрабязнасцямі - Іван Міхайлаў: Галоўны прыз павязуць у Арменію. У драматычнай барацьбе перамог 12-гадовы Уладзімір Арзуманян. "Гэта ўсё, як у маім сне" - такія былі першыя словы Вовы Арзуманяна на першай у жыцці прэс-канферэнцыі, на якую ён з цяжкасцю прабіваўся ў акружэнні сотні прыхільнікаў. Аказваецца, што падзеі гэтым вечарам развіваліся паводле сцэнарыя, які напярэдадні прысніўся юнаму спеваку.

Радасць настолькі перапаўняла новага пераможца "Еўрабачання", што Вова ўмудрыўся двойчы страціць з віду запаветны прыз. Першы раз на сцэне, а пазней - пры выездзе з "Мінск-Арэны", і абодва разы трафей вярталі законнаму ўладальніку. Зрэшты, было ад чаго страціць галаву - упершыню рэжысёры так доўга даставалі чэмпіёна з абдымкаў калегаў у green room, каб даставіць яго на сцэну.
Падзеі падчас галасавання трымалі ў напружанні да апошняга. Па чарзе то Расія, то Грузія, то Арменія займалі першы радок у рэйтынгу галасавання. Зала то замірала ў чаканні, то ўзрывалася ад захаплення. І ўсё вырашылася толькі пасля таго, як "Мінск-Арэна" выйшла на прамую сувязь з апошняй з краін, якія галасавалі, - Македоніяй.

"Мінск-Арэна" неверагодна падтрымлівала беларускага канкурсанта. З першымі акордамі "Месяцовай санаты" ў выкананні Данііла Казлова трыбуны ўзарваліся так, што ў комплексе задрыжалі вокны. І само выкананне, і падтрымка спевака была фантастычнымі. І высокае 5 месца - пацвярджэнне таму.

По мнению представителей На думку прадстаўнікоў Еўрапейскага Вяшчальнага Саюза, дзіцячае "Еўрабачанне" ў Мінску стала лепшым за ўсю гісторыю правядзення конкурсу і адным з самых яркіх музычных шоу года ў Еўропе. Неверагодныя святло і музыка, грандыёзныя дэкарацыі, 17 тысяч гледачоў на трыбунах - "Мінск-Арэна" столькі ніколі не збірала, дзясяткі мільёнаў тэлегледачоў ля экранаў і трансляцыя амаль на два дзясяткі краін з некалькіх кантынентаў.
(Свантэ Стакселіус, выканаўчы прадзюсар Еўрапейскага Вяшчальнага Саюза: "Гэта было фантастычнае шоу. Пытаецеся ў мяне, ці лепшае гэта дзіцячае "Еўрабачанне" ў гісторыі? Я вам скажу так: гэта было адно з лепшых шоу, на якім я калі-небудзь быў".)
Па агульным меркаванні, дзіцячае "Еўрабачанне" ўчора павярнула ход сваёй гісторыі. Яго планка ўзнята да ўзроўню аналагічнага дарослага конкурсу. І самае галоўнае - шоу на "Мінск-Арэне", відаць, канчаткова пераканала ўсіх, што гэтае дзіцячае свята павінна жыць і далей.