|
|
 |
НАШ УДЗЕЛЬНIК
На міжнародным конкурсе песні "Еўрабачанне-2005" у маі гэтага года ў Кіеве Беларусь будзе прадстаўляць Анжаліка Агурбаш. Такое рашэнне было прынята вечарам 31 студзеня прафесійным журы і аргкамітэтам нацыянальнага конкурсу.
Прафесіяналы сабраліся ў зале калегій Белтэлерадыёкампаніі паглядзець выступленні прэтэндэнтак на вялікім экране: Паліны Смолавай, Анжалікі Агурбаш і Наталлі Тамелы.
Падчас сустрэчы гаворка ішла пра тое, што з фіналісткамі на працягу месяца працавалі прафесіяналы: вялася работа над касцюмамі, выкананнем і стылем. Члены журы адзначалі, што ўсе тры прэтэндэнткі вельмі таленавітыя і эфектныя.
Імя прадстаўніка Беларусі на конкурсе "Еўрабачанне-2005" стала вядома пасля доўгіх спрэчак і дэбатаў журы. Шляхам агульнага галасавання перавагу атрымала Анжаліка Агурбаш.
Старшыня журы адборачнага тура тэлевізійнага конкурсу песні "Еўрабачанне-2005", народны артыст Беларусі, прафесар Міхаіл Фінберг заявіў, што "рашэнне гэта канчатковае і перагляду не падлягае". Ён таксама адзначыў, што прафесійнае журы і аргкамітэт конкурсу вельмі ўважліва паставіліся да выбару ўдзельніка.
Зараз беларускага ўдзельніка і каманду айчынных прафесіяналаў чакае вялікая работа па падрыхтоўцы да конкурсу.
Ад прэстыжнага міжнароднага песеннага конкурсу "Еўрабачанне-2005" нас аддзяляюць 2 месяцы. Увесь гэты час беларусы з нецярплівасцю будуць чакаць выхаду на кіеўскую сцэну сваёй прадстаўніцы і верыць у перамогу.
18 сакавіка 2005 года на пасяджэнні арганізацыйнага камітэта па падрыхтоўцы да конкурсу “Еўрабачанне-2005” прафесійнае журы аднагалосна абрала ў якасці песні, што будзе удзельнічаць ад Беларусі, кампазіцыю "Love Me Tonight".
Афiцыйны сайт "Еўрабачанне 2005": www.eurovision.tv
Афiцыйны сайт Анжалікi Агурбаш: www.agurbash.ru
Сайт "Еўрабачанне 2005 на Украiне" www.eurovision2005.info
|
|
|
|
|
|
Архіў
уверх
Усе матэрыялы
