19.03.2008 17:45
Глядзець Версія для друку

У продаж паступіў дыск з канцэрта Аляксандры і Канстанціна "Аўтаномная навігацыя".

Расказвае Вераніка Перапёлкіна: Іх творчасць як рыба з палатна мастака Сяргея Лагачова. Фрагмент карціны можна ўбачыць на вокладцы апошняй пласцінкі дуэта Аляксандра і Канстанцін, і ў афармленні новага DVD. Яго назва - "Аўтаномная навігацыя", што адпавядае поглядам музыкантаў на жыццё.
(Аляксандра і Канстанцін)
Сінтэз жывапісу і музыкі быў працягнуты на акустычным канцэрце. Ён і паслужыў відэаматэрыялам для DVD. На сцэне побач з музыкантамі знаходзіўся малады мастак. Аказваецца, пераводзіў музыку ў віртуальныя вобразы на паперы.
(Аляксандра і Канстанцін)
Відэаверсія акустычнага канцэрта "Аўтаномная навігацыя" змяшчае адзінаццаць трэкаў. І ўсе выключна на беларускай мове. Стыль песень характарызуецца як этна-музыка XXI стагоддзя. Сучасная музыка з глыбокімі гістарычнымі каранямі.
(Аляксандра і Канстанцін)
Дуэт "Аляксандра і Канстанцін" на канцэрце сталі ВІА-квінтэтам. Акампаніравалі ім знакамітыя беларускія музыкі - гітарыст, скрыпач і барабаншчык. Пры манціраванні відэа і апрацоўцы гуку ў студыі не было перапісана а ніводнай кампазіцыі. Таму на DVD адчувальна цёплая энэргетыка жывога выканання.
(Аляксандра і Канстанцін)
У кожны альбом дуэт змяшчаў кампазіцыі, з якімі ён перамагаў на міжнародных конкурсах. Прынамсі, на розных мовах. Бо ў Аляксандры і Канстанціна існуе традыцыя: спяваць адну песню на мове той краіны, дзе выступаюць.
(Аляксандра і Канстанцін)
Але DVD - выключэнне. Тут акцэнт на беларускамоўныя песні. Хоць і ёсць на дыску патаемныя старонкі.
(Аляксандра і Канстанцін)
На акустычным канцэрце раскрылася і тайна дуэта. Канстанцін, якога лічылі ці то мужам, ці то братам Аляксандры, зрабіў каханай прапанову рукі і сэрца.
Святкаванне засталося за кадрам. Аляксандра і Канстанцін асабістае жыццё не афішыруюць. Як і не раскрываюць усіх сакрэтаў пра творчыя планы.

Адправіць сябру  Уставіць у блог