Белтэлерадыёкампанія аб'яўляе аб пачатку кастынгу вядучых тэлевізійных праграм

Белтэлерадыёкампанія аб'яўляе аб пачатку правядзення кастынгу вядучых для тэлеканалаў "Беларусь 1", "Беларусь 2" і "Беларусь-ТБ". Запрашаюцца мэтанакіраваныя, таленавітыя і харызматычныя людзі, якія жадаюць дарыць тэлегледачам добры настрой.

"Кастынг плануецца праводзіць пастаянна, для фарміравання банка даных вядучых. Спецыяльна створаная камісія ў складзе кіраўнікоў тэлеканалаў і тэлевізійных прафесіяналаў Белтэлерадыёкампаніі будзе штоквартальна адбіраць кандыдатаў на ролю вядучых з ліку дасланых заявак. Перш, чым трапіць у эфір, пачаткоўцам трэба прайсці навучанне ў нашай школе тэлевізійных кадраў", - расказаў намеснік дырэктара Агенцтва тэленавін Юрый Гроераў.

Асноўныя патрабаванні да прэтэндэнтаў: узрост - старэйшы за 23 гады, добрая дыкцыя, граматная мова, уменне імправізаваць, свабоднае валоданне беларускай і рускай мовамі.

Чакаем Вашы фатаграфіі (партрэт, поўны рост) і анкету па адрасе casting@tvr.by.