21 мая 2012
Па сайце
У навінах
Беларускае радыё
вул. Чырвоная, 4, Мінск, 220807, Рэспубліка Беларусь
Тэл.: 284 84 24
Факс: 290 62 42
E-mail: radio1@tvr.by
"Эстрадны вакал" - самая папулярная намінацыя Рэспубліканскага творчага радыёконкурсу "Маладыя таленты Беларусі"Завяршыўся прыём заявак на ўдзел у Рэспубліканскім творчым радыёконкурсе "Маладыя таленты Беларусі", які праводзіць Першы нацыянальны канал Беларускага радыё. Усяго на радыёконкурс паступіла 137 заявак. Найбольш жорсткая канкурэнцыя чакаецца ў намінацыі "Эстрадны вакал" (105 заявак). Сур'ёзнае творчае саперніцтва будзе таксама ў намінацыях "Інструментальная музыка" (21 заяўка) і "Акадэмічны вакал" (11 заявак). Сярод удзельнікаў - маладыя музыканты з розных куткоў Беларусі. Заяўкі таксама паступілі ад канкурсантаў, якія жывуць у Расіі, Украіне і Польшчы. Зараз праходзіць першы тур конкурсу: папярэдняе праслухоўванне і адбор дасланых матэрыялаў. Пазнаёміцца з канкурсантамі, якія прайшлі папярэдні адбор, можна ў "Дзённіках конкурсу", што гучаць у эфіры Першага нацыянальнага канала Беларускага радыё па буднях у 16.05 і па нядзелях у 13.00 у перадачы "Маладыя таленты Беларусі". Нагадаем, мэтамі і задачамі радыёконкурсу з'яўляюцца выяўленне і падтрымка маладых адораных выканаўцаў у розных жанрах музычнага мастацтва, асвятленне дзейнасці маладых музыкантаў, іх творчых поспехаў і дасягненняў, павышэнне творчага майстэрства і выканальніцкай культуры маладых музыкантаў, папулярызацыя творчасці беларускіх аўтараў і выканаўцаў. Узрост удзельнікаў - ад 10 да 25 гадоў, у намінацыі "Акадэмічны вакал" - ад 20 да 30 гадоў. У другім туры конкурсу адбудзецца праслухоўванне запісаў канкурсантаў прафесійным журы. Вынікі конкурсу стануць вядомыя ў верасні 2011 года. Творы ў выкананні пераможцаў радыёконкурсу (лаўрэатаў) увойдуць у зборны кампакт-дыск "Маладыя таленты Беларусі - 2011" і будуць раціравацца ў эфіры Беларускага радыё. Падрабязная інфармацыя і навіны радыёконкурсу размяшчаюцца таксама на сайце Белтэлерадыёкампаніі www.tvr.by. |
 |
 |
|
 |
|
 |
|
 |
|
 |
|
"Маладыя таленты Беларусі". Канцэрт.