|
|
 |
Славянскi базар у Вiцебску 2010
Белтэлерадыёкампанія традыцыйна шырока прадэманструе ў тэле- і радыёэфіры "Славянскі базар у Віцебску-2010"
На працягу ўсіх гадоў існавання Міжнароднага фестывалю мастацтваў "Славянскі базар у Віцебску" Нацыянальная дзяржаўная тэлерадыёкампанія Рэспублікі Беларусь выступае галоўным вяшчальнікам і адным з арганізатараў найбуйнейшага музычнага форуму. Сёлета ў эфіры Першага, "ЛАДа", "Беларусь-ТБ" і Беларускага радыё - трансляцыі адкрыцця і закрыцця фестывалю, міжнароднага конкурсу выканаўцаў эстраднай песні, гала-канцэртаў майстроў мастацтваў, міжнароднага дзіцячага музычнага конкурсу песні, аўтарскіх і юбілейных канцэртаў.
Штогод Белтэлерадыёкампанія максімальна шырока асвятляе мерапрыемствы, якія праходзяць у рамках "Славянскага базару". Сёлета на працягу дзевяці дзён, пачынаючы з 9 ліпеня, гледачы Першага канала і тэлеканала "ЛАД" змогуць убачыць большую частку ўсіх канцэртаў фестывалю.
Летні амфітэатр, галоўная канцэртная пляцоўка "Славянскага базару", здзівіць новымі высокатэхналагічнымі дэкарацыямі, а Белтэлерадыёкампанія задзейнічае для здымак і прамых эфіраў самае сучаснае аператарскае абсталяванне і новую ўласную 16-камерную перасовачную тэлевізійную станцыю высокай якасці.
Даведвацца самую поўную інфармацыю аб падзеях, што адбываюцца (а гэта не толькі канцэрты, але і тэатральная і кінапраграмы, прэс-канферэнцыі, а таксама закуліснае жыццё зорак у Віцебску), дапамогуць дзённікі фестывалю, якія стартуюць у эфіры Першага 9 ліпеня. На працягу дня дзённікі будуць з'яўляцца кароткімі выпускамі, а па вечарах - выніковымі.
Агенцтва тэлевізійных навін Белтэлерадыёкампаніі будзе асвятляць "Славянскі базар" у выпусках навін і спецыяльных прамых уключэннях.
Тэлегледачы ўбачаць:
| Канал |
Дата і час эфіру |
Канцэрт |
| Першы |
9 ліпеня
пятніца
22.00 |
Урачыстае адкрыццё фестывалю |
| Першы |
10 ліпеня
субота
16.15 |
Алена Ваенга |
| Першы |
11 ліпеня
нядзеля
16.15 |
Дзень Саюзнай дзяржавы.
"Дзве сястры - Беларусь і Расія" |
| Першы |
12 ліпеня
панядзелак
19.30 |
Майстры мастацтваў Расіі.
Дзмітрый Хварастоўскі |
| Першы |
12 ліпеня
панядзелак
22.00 |
Майстры мастацтваў Беларусі |
| "ЛАД" |
13 ліпеня
аўторак
16.30 |
Міжнародны дзіцячы музычны конкурс "Віцебск-2010". Дзень першы |
| Першы |
13 ліпеня
аўторак
22.00
Прамы эфір |
Міжнародны конкурс выканаўцаў эстраднай песні "Віцебск-2010". Дзень першы |
| "ЛАД" |
14 ліпеня
серада
16.30 |
Міжнародны дзіцячы музычны конкурс "Віцебск-2010". Дзень другі |
| Першы |
14 ліпеня
серада
22.00
Прамы эфір |
Міжнародны конкурс выканаўцаў эстраднай песні "Віцебск-2010". Дзень другі |
| "ЛАД" |
15 ліпеня
чацвер
16.30 |
Міжнародны дзіцячы музычны конкурс "Віцебск-2010". Гала-канцэрт |
| Першы |
15 ліпеня
чацвер
19.30 |
Творчы вечар Райманда Паулса |
| Першы |
15 ліпеня
чацвер
22.00 |
Майстры мастацтваў Украіны |
| Першы |
16 ліпеня
пятніца
19.30 |
Канцэрт членаў журы і гасцей фестывалю |
| Першы |
16 ліпеня
пятніца
22.00 |
Урачыстае закрыццё фестывалю |
| Першы |
17 ліпеня
субота
19.30 |
Александр Пяскоў |
| Першы |
17 ліпеня
субота
22.00 |
Радыё "Шансон" |
| Першы |
18 ліпеня
нядзеля
22.00 |
"Танцуй да раніцы" |
Усе самыя значныя і яркія падзеі фестывалю таксама будзе трансліраваць спадарожнікавы тэлеканал "Беларусь-ТБ".
Традыцыйна актыўна ўдзельнічае ў асвятленні падзей Міжнароднага фестывалю мастацтваў "Славянскі базар у Віцебску" Беларускае радыё. Інфармацыйныя і музычна-тэматычныя праграмы запланаваны на Першым нацыянальным канале, канале "Культура", радыёстанцыях "Беларусь", "Сталіца" і "Радыус-FM".
Сёлета на фестывалі будзе працаваць мабільная радыёстудыя, з якой у эфір будуць выходзіць спецыяльныя выпускі праграм Першага нацыянальнага канала Беларускага радыё "Музычны алімп", "Культурная прастора", "Дзённік фестывалю", "Сем нот".
9 ліпеня 2010 года з 20.30 да 24.00 у эфіры Першага нацыянальнага канала запланавана прамая трансляцыя цырымоніі адкрыцця фестывалю.
Радыёстанцыя "Беларусь" будзе размяшчаць матэрыялы фестывальнай тэматыкі на англійскай мове на абменным серверы Еўрапейскага Вяшчальнага Саюза і на нямецкай мове - на серверы радыёкампаніі "Радыё-700" (ФРГ), якая зараз вядзе трансляцыі праграм беларускай радыёстанцыі на тэрыторыі Германіі.
Падчас фестывалю будзе ажыццяўляцца запіс канцэртаў, якія ў далейшым плануецца выкарыстаць у якасці матэрыялаў для радыёабменаў і пры падрыхтоўцы тэматычных перадач, а таксама для папаўнення фондаў.
Белтэлерадыёкампанія запрашае ўсіх тэлегледачоў і радыёслухачоў сачыць за падзеямі Міжнароднага фестывалю мастацтваў "Славянскі базар у Віцебску"!
Афицыйны сайт фестывалю "Славянскі базар у Віцебску" www.festival.vitebsk.by
|
|
|
|
|
Архіў
уверх
